ନୂଆଦିଲ୍ଲୀ,୨୨।୩: : ଆଇପିଏଲ ୨୦୨୪ର ପ୍ରଥମ ମ୍ୟାଚ ୨୨ ମାର୍ଚ୍ଚ ଅର୍ଥାତ୍ ଆଜି ଚେନ୍ନାଇରେ ସିଏସ୍କେ ଏବଂ ଆରସିବି ମଧ୍ୟରେ ଖେଳାଯିବ। ନିର୍ବାଚନକୁ ଦୃଷ୍ଟିରେ ରଖି ବିସିସିଆଇ ପ୍ରଥମ ପର୍ଯ୍ୟାୟର କାର୍ଯ୍ୟସୂଚୀ ଘୋଷଣା କରିଛି ଯାହା ମାର୍ଚ୍ଚ ୨୨ ରୁ ଏପ୍ରିଲ ୭ ପର୍ଯ୍ୟନ୍ତ ଖେଳାଯିବ। ପ୍ରଥମ ପର୍ଯ୍ୟାୟର ଶେଷ ମ୍ୟାଚ ଲକ୍ଷ୍ନୌ ସୁପର ଜିଆଣ୍ଟସ ଏବଂ ଗୁଜରାଟ ଟାଇଟାନ୍ସ ମଧ୍ୟରେ ଖେଳାଯିବ। ଏହି ୧୭ ଦିନରେ ମୋଟ ୨୧ଟି ମ୍ୟାଚ ଖେଳାଯିବ। ଏଥି ସହିତ ବିସିସିଆଇ ଖୁବ ଶୀଘ୍ର ଅବଶିଷ୍ଟ ମ୍ୟାଚଗୁଡିକର କାର୍ଯ୍ୟସୂଚୀ ଘୋଷଣା କରିବାକୁ ଯାଉଛି। ଆଇପିଏଲର ପ୍ରଥମ ପର୍ଯ୍ୟାୟରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ୫ଟି ମ୍ୟାଚ ଖେଳିବାକୁଥିବାବେଳେ ଦିଲ୍ଲୀ କ୍ୟାପିଟାଲ୍ସ ଦଳ ଦୁଇଟି ମ୍ୟାଚ ଖେଳିବାକୁ ଯାଉଛି। ଏହା ବ୍ୟତୀତ ମୁମ୍ବାଇ ଇଣ୍ଡିଆନ୍ସ ଦଳ ୨୩ ସିଜନରେ ଗୁଜରାଟ ଟାଇଟାନ୍ସ ସହିତ ଚଳିତ ସିଜନରେ ଏହାର ପ୍ରଥମ ମ୍ୟାଚ ଖେଳିବ। ପ୍ରଥମ ପର୍ଯ୍ୟାୟରେ ବିସିସିଆଇ ଚାରୋଟି ଡବଲ ହେଡରର ଏକ କାର୍ଯ୍ୟସୂଚୀ ପ୍ରସ୍ତୁତ କରିଛି।
ଏଥର ଆଇପିଏଲ ଜିଓ ସିନେମା ଏବଂ ଷ୍ଟାର୍ ସ୍ପୋର୍ଟସ ଚ୍ୟାନେଲରେ ଟିଭିରେ ଲାଇଭ ଷ୍ଟ୍ରିମିଂ ହେବ। ଆଇପିଏଲ୍ ୨୦୨୪ର ସମସ୍ତ ମ୍ୟାଚର ଅନ୍ଲାଇନ ଷ୍ଟ୍ରିମିଂ ଜିଓ ଆପରେ ମାଗଣାରେ କରାଯିବ।