ମୁମ୍ବାଇ,୨୯।୪: ଆପଣ ୮୦ଦଶକ ବଲିଉଡ ଫିଲ୍ମର ପ୍ରଶଂସକ କି? ତା’ହେଲେ ଆପଣ ନିଶ୍ଚିତ ଭାବରେ ରେଖା ଏବଂ କବୀର ବେଦୀଙ୍କ ‘ଖୁନ ଭରି ମାଙ୍ଗ’ ଫିଲ୍ମର ଲୋକପ୍ରିୟ କୁମ୍ଭୀର ସିନ୍୍କୁ ନିିିଶ୍ଚିତ ଭାବେ ମନେ ରଖିଥିବେ। ତେବେ ପୁଣି ଥରେ କବୀର ବେଦୀ ଏବଂ ରେଖା ଗୋଟିଏ ଫ୍ରେମରେ ନଜର ଆସିଛନ୍ତି। କବୀର ବେଦୀ ଇନଷ୍ଟାଗ୍ରାମ୍ରେ ରେଖାଙ୍କ ସହିତ ଉଠାଇଥିବା ଏକ ଫଟୋକୁ ଶେୟାର୍ କରିଛନ୍ତି। ଏହି ଫଟୋ ଏବେ ଭାଇରାଲ ହୋଇଛି।
ଏଠାରେ କହିରଖୁଛୁ ଯେ, ଗୁରୁବାର ରାତିରେ ଫିଲ୍ମଫେୟାର ଆଓ୍ବାର୍ଡ ଅବସରରେ କବୀର ବେଦୀ ଏବଂ ରେଖା ପରସ୍ପରକୁ ଭେଟିଥିଲେ। ଏବଂ ସେଠାରେ ଏକାଠି ଫଟୋ ଉଠାଇଥିଲେ। ରାକେଶ ରୋଶନଙ୍କ ନିର୍ଦ୍ଦେଶିତ ଫିଲ୍ମ ‘ଖୁନ୍ ଭରି ମାଙ୍ଗ’ର ଏହି ଯୋଡିକୁ ପୁଣିଥରେ ଏକାଠି ଦେଖି ଫ୍ୟାନ୍ସମାନେ ନିଜ ଖୁସି ବ୍ୟକ୍ତ କରିଛନ୍ତି।
ତେବେ କବୀରଙ୍କ ପୋଷ୍ଟରେ ଜଣେ ଫ୍ୟାନ୍ କମେଣ୍ଟ ଦେଇଛନ୍ତି, ଆପଣଙ୍କର ଫଟୋ ଦେଖି ମୋତେ କୁମ୍ଭୀର ସିନ୍ ମନେପଡିଗଲା। ପିଲାଦିନର ସ୍ମୃତି ତାଜା ହୋଇଗଲା।
