![](https://www.dharitri.com/wp-content/uploads/2024/07/Almirah.jpg)
ନୂଆଦିଲ୍ଲୀ: ସୋସିଆଲ ମିଡିଆରେ ଏବେ ଏପରି ଏକ ଭିଡିଓ ଭାଇରାଲ ହେଉଛି, ଯାହା ଦେଖିବା ମାତ୍ରେ ଅନେକେ କହୁଛନ୍ତି, ଏହା କିପରି ସମ୍ଭବ। ଏହି ଭିଡିଓରେ ପ୍ରଥମେ ଗୋଟିଏ କୋଠରିରେ ଏକ ଆଲମିରା ରଖାଯାଇଥିବା ଦେଖିବାକୁ ମିଳୁଛି। ସାଧାରଣତଃ ଆଲମିରାରେ ପୋଷାକ, ସୁନା ଅଳଙ୍କାର ଆଦି ମୂଲ୍ୟବାନ ଜିନିଷ ରଖାଯାଇଥାଏ। କିନ୍ତୁ ଭିଡିଓରେ ଦେଖାଯାଉଛି, ଉକ୍ତ ଆଲମିରାର କବାଟ ଖୋଲିବା ମାତ୍ରେ ଏହା ଭିତରେ ଲଗେଜ୍ କିମ୍ବା ଲକର୍ ନାହିଁ ବରଂ ଏକ ଶୌଚାଳୟ ଅଛି। ଉକ୍ତ ଶୌଚାଳୟର ଫାଟକକୁ ଆଲମିରା ରୂପେ ପ୍ରସ୍ତୁତ କରାଯାଇଛି, ଯେପରି ବାହାରୁ କେହି ଏହା ମଧ୍ୟରେ ଶୌଚାଳୟ ଥିବା ଭାବି ମଧ୍ୟ ପାରିବେନି। ଏହି ଭିଡିଓରେ ଅନେକ ୟୁଜର୍ସ କମେଣ୍ଟ କରି ଆଶ୍ଚର୍ଯ୍ୟ ପ୍ରକାଶ କରିଛନ୍ତି।