ଡୁଙ୍ଗୁରିପାଲି,୧୯।୧୨(ଡି.ଏନ.ଏ.)- ସୁବର୍ଣ୍ଣପୁର ଜିଲା ଡୁଙ୍ଗୁରିପାଲି ବ୍ଲକ ଏସ.ରାମପୁର ସେବା ସମବାୟ ସମିତି କାର୍ଯ୍ୟାଳୟରେ ଧାନ ବିକ୍ରୟ ସମୟରେ ଟୋକନ ଅବ୍ୟବସ୍ଥା ନେଇ ଶୁକ୍ରବାର ରାମପୁର ତହସିଲଦାରଙ୍କ ଜରିଆରେ ଜିଲାପାଳଙ୍କୁ ରାମପୁର ପ୍ୟାକ୍ସର ଚାଷୀମାନେ ଏକ ଦାବିପତ୍ର ପ୍ରଦାନ କରିଛନ୍ତି । ୭ ଦିନ ମଧ୍ୟରେ ଦାବି ପୂରଣ ନ ହେଲେ ଆନ୍ଦୋଳନକୁ ଜୋରଦାର କରାଯିବ ବୋଲି ଚାଷୀମାନେ ଚେତାବନୀ ଦେଇଛନ୍ତି ା ଚଳିତ ମାସ ସୁଦ୍ଧା ସମସ୍ତ ଚାଷୀଙ୍କ ଧାନ ବିକ୍ରୟ ପାଇଁ ଟୋକନର ସୁବ୍ୟବସ୍ଥା କରା ନ ଗଲେ ଚାଷୀମାନେ ଧାନ ବିକ୍ରି କରିବାରୁ ବଞ୍ଚତ୍ତ ହେବେ ବୋଲି ପ୍ୟାକ୍ସର ଚାଷୀମାନେ ଅଭିଯୋଗ କରିଛନ୍ତି ା ଦାବିପତ୍ର ପ୍ରଦାନ ସମୟରେ କୃପାସିନ୍ଧୁ ପୂଜାରୀ, ଶିବରାଜ ବେହେରା, ପ୍ରସନ୍ନ କୁମାର ନାୟକ, ଗୌତମ ଆଚାର୍ଯ୍ୟ, ବୃନ୍ଦାବନ ଝାଙ୍କର, ଲିଙ୍ଗ ମେହେର, ଯୁବରାଜ ସେଠ, ମୁନାପାଲ ସାହୁ, କରୁଣାକର ଭୋଇ, ହୃଷୀକେଶ ବେହେରା, ଘାସିରାମ ପୁଟେଲ, ସୁନୀଲ କୁମାର ଦାଶ, ପ୍ରଶାନ୍ତ ମେହେର, ପ୍ରଫୁଲ୍ଲ ପ୍ରଧାନ, ଅଲେଖ ପଧାନ, ଭାଗିରଥି ବାରିକ ପ୍ରମୁଖ ଉପସ୍ଥିତ ଥିଲେ । ଏନେଇ ସହକାରୀ ନିବନ୍ଧକ ସମବାୟ ସମିତି ସୁବର୍ଣ୍ଣପୁର ଅଧିକାରୀ ଗିରିଶଚନ୍ଦ୍ର ପୁରୋହିତଙ୍କୁ ପଚାରିବାରେ ପୂର୍ବତନ କାର୍ଯ୍ୟାଳୟରେ ସ୍ଥାନ ଅଭାବରୁ ଚାଷୀମାନଙ୍କ ପାଇଁ ସମସ୍ତ ବ୍ୟବସ୍ଥା ହୋଇପାରୁ ନାହିଁ । ନୂତନ ଭାବରେ ନିର୍ମିତ ହୋଇଥିବା କାର୍ଯ୍ୟାଳୟରେ ଓଜନ ମାପ ଯନ୍ତ୍ର, ୧୦,୦୦୦ କୁଇଣ୍ଟାଲ ଧାନ ରଖିବା ପାଇଁ ବ୍ୟବସ୍ଥା ଥିବା ବେଳେ ଚାଷୀମାନଙ୍କ ରହିବା ପାଇଁ ବିଶ୍ରାମ ଗୃହ ମଧ୍ୟ ରହିଛି ା କୋଭିଡ ନିୟମକୁ ମାନି ନୂତନ କୋଠାରେ ଧାନ ବିକ୍ରୟ କରିବାର ବ୍ୟବସ୍ଥା ହୋଇଥିବା ପ୍ରକାଶ କରିଥିଲେ । ସୂଚନାଯୋଗ୍ୟ ଯେ, ଟୋକନ ମିଳି ନ ଥିବାରୁ ବହୁ ଚାଷୀଙ୍କ ଧାନ ପ୍ୟାକ୍ସ ଓ ଖଳାରେ ପଡିରହିଛି ା ଏଥିନେଇ ଚାଷୀ ଅସନ୍ତୋଷ ଲାଗି ରହିଛି ା ଭୁବନେଶ୍ୱରରୁ ଟୋକନ ବ୍ୟବସ୍ଥା ପରିଚାଳିତ ହେଉଥିବା ଆଳ ଦେଖାଇ ଜିଲାସ୍ତରୀୟ ଯୋଗାଣ ଅଧିକାରୀ ଓ ପ୍ରଶାସନିକ କର୍ମକର୍ତ୍ତା ନୀରବଦ୍ରଷ୍ଟା ସାଜିଥିବା ଅଭିଯୋଗ ହେଉଛି ା