ଟୋକିଓ,୨୭।୭: ଟୋକିଓ ଅଲିମ୍ପିକ୍ସରେ ଭାରତ ଏପର୍ଯ୍ୟନ୍ତ କେବଳ ଗୋଟିଏ ପଦକ ପାଇଛି। ମୀରବାଇ ଚାନୁ ଭାରୋତ୍ତୋଳନରେ ଭାରତ ପାଇଁ ପ୍ରଥମ ପଦକ ଜିତିଥିଲେ। ସେବେଠାରୁ ପ୍ରତ୍ୟେକ ଦିନ ଟୋକିଓରୁ ଦେଶବାସୀ ନିରାଶାଜନକ ଖବର ପାଉଛନ୍ତି। ମଙ୍ଗଳବାର ବକ୍ସିଂରେ ଭାରତ ପାଇଁ ଏକ ଖୁସି ଖବର ଆସିଥିଲା। ଲଭ୍ଲିନା ବର୍ଗୋହେନ ପ୍ରି-କ୍ୱାର୍ଟର ଫାଇନାଲରେ ବିଜୟୀ ହୋଇ କ୍ୱାର୍ଟର ଫାଇନାଲରେ ପ୍ରବେଶ କରିବାରେ ସଫଳ ହୋଇଥିଲେ। ଏବେ ସେ ପଦକଠାରୁ ମାତ୍ର ଗୋଟିଏ ପାଦ ଦୂରରେ ଅଛନ୍ତି। ବକ୍ସିଂର ନିୟମ ଅନୁଯାୟୀ, ଯଦି ଜଣେ ବକ୍ସର ମଧ୍ୟ ସେମିଫାଇନାଲରେ ପ୍ରବେଶ କରନ୍ତି, ତେବେ ଅତି କମରେ ତାଙ୍କର ବ୍ରୋଞ୍ଜ ପଦକ ନିଶ୍ଚିତ ହେବ। ସେମିଫାଇନାଲରେ ପ୍ରବେଶ କରୁଥିବା ଉଭୟ ବକ୍ସରଙ୍କୁ ବ୍ରୋଞ୍ଜ ପଦକ ମିଳିଥାଏ।
ଟୋକିଓ ଅଲିମ୍ପିକ୍ସରେ ଭାରତୀୟ ବକ୍ସର ଲଭଲିନା ଏକ ଜବରଦସ୍ତ ଆରମ୍ଭ କରିଛନ୍ତି। ସେ ୧୬ ରାଉଣ୍ଡରେ ଜର୍ମାନୀର ଆପେଜ ନେଡିନଙ୍କୁ ପରାସ୍ତ କରିଥିଲେ। ଲଭଲିନା ଏହି ମ୍ୟାଚକୁ ୩-୨ରେ ଜିତିଥିଲେ। ବକ୍ସିଂରେ ସର୍ବାଧିକ ଆଶା ହେଉଛି ଏମସି ମେରିକମ। ସେ ତାଙ୍କର ପ୍ରଥମ ମ୍ୟାଚ ଜିତିଛନ୍ତି ଏବଂ ବର୍ତ୍ତମାନ ତାଙ୍କୁ ୧୬ ରାଉଣ୍ଡରେ କ୍ୱାର୍ଟର ଫାଇନାଲ ପାଇଁ ଲଢିବାକୁ ପଡିବ। ମେରିକମ ଲଣ୍ଡନ ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତିଥିଲେ।