ଟୋକିଓ,୬।୮: ଟୋକିଓ ଅଲିମ୍ପିକ୍ସରେ ଭାରତକୁ ଆଉ ଏକ ପଦକ ଆଶା ଦେଇଛନ୍ତି ଗଲ୍ଫ ଖେଳାଳି ଆଦିତି ଅଶୋକ। ମହିଳା ବର୍ଗରେ ଆଦିତି ବ୍ୟକ୍ତିଗତ ଷ୍ଟ୍ରୋକ ପ୍ଲେର ତୃତୀୟ ରାଉଣ୍ଡରେ ଦ୍ୱିତୀୟ ସ୍ଥାନରେ ଅଛନ୍ତି। ଏପରି ସ୍ଥିତିରେ ଆଦିତିଙ୍କ ପାଖରେ ସ୍ବର୍ଣ୍ଣ ଜିତିବାର ସୁଯୋଗ ରହିଛି। ୨୩ ବର୍ଷୀୟା ଆଦିତି ଚଳିତ ଅଲିମ୍ପିକ୍ସରେ ଜବରଦସ୍ତ ଖେଳ ପ୍ରଦର୍ଶନ କରୁଛନ୍ତି। ଶେଷ ଏବଂ ଚତୁର୍ଥ ରାଉଣ୍ଡ ଶନିବାର ଖେଳାଯିବ, କିନ୍ତୁ ପାଣିପାଗ ବିଭାଗ ଅନୁଯାୟୀ ଶନିବାର ଝଡତୋଫାନ ସୃଷ୍ଟି ହେବାର ସମ୍ଭାବନା ରହିଛି। ଯଦି ଏହା ଘଟେ, କେବଳ ତୃତୀୟ ରାଉଣ୍ଡ ପର୍ଯ୍ୟନ୍ତ ସ୍କୋର ଗଣାଯିବ ଏବଂ ଆଦିତିଙ୍କ ପଦକ ନିଶ୍ଚିତ ହୋଇପାରିବ।