ଟୋକିଓ,୨୮।୭: ଟୋକିଓ ଅଲିମ୍ପିକ୍ସରେ ଆଜି ଷଷ୍ଠ ଦିନ। ବୁଧବାର ବକ୍ସର ପୂଜା ରାଣୀ ଚମତ୍କାର ଖେଳ ପ୍ରଦର୍ଶନ କରିଥିଲେ। ଅନ୍ତିମ ୧୬ ମୁକାବିଲାରେ ସେ ଆଲଜେରିଆର ଇକରାକ ଚ୍ୟାକ୍ ୫-୦ ପରାସ୍ତ କରି କ୍ୱାର୍ଟର ଫାଇନାଲରେ ପ୍ରବେଶ କରିଥିଲେ। ପଦକ ସୁନିଶ୍ଚିତ କରିବା ପାଇଁ ହେଲେ ତାଙ୍କୁ ଆଉ ଗୋଟିଏ ମାତ୍ର ବିଜୟ ଆବଶ୍ୟକ।
ଷଷ୍ଠ ଦିନରେ ଭାରତର ଖରାପ ଆରମ୍ଭ ହୋଇଥିଲା। ବ୍ରିଟେନ ହାତରୁ ଭାରତୀୟ ମହିଳା ହକି ଦଳ ୪-୧ ପରାଜୟର ସମ୍ମୁଖୀନ ହୋଇଥିଲା। ବ୍ୟାଡମିଣ୍ଟନରେ ପିଭି ସିନ୍ଧୁ ହଂକଂର ଚେଙ୍ଗ ନାଗାନିଙ୍କୁ ୨-୧ରେ ପରାସ୍ତ କରି ତୃତୀୟ ରାଉଣ୍ଡରେ ପ୍ରବେଶ କରିଛନ୍ତି। ଅନ୍ୟପକ୍ଷରେ, ତୀରନ୍ଦାଜରେ ପ୍ରବୀଣ ଯାଦବ ଚମତ୍କାର ପ୍ରଦର୍ଶନ କରି ରୁଷର ବିଶ୍ୱର ଦୁଇ ନମ୍ବର ତୀରନ୍ଦାଜ ଗାଲସନଙ୍କୁ ପରାସ୍ତ କରି ପରବର୍ତ୍ତୀ ରାଉଣ୍ଡରେ ପ୍ରବେଶ କରିଥିଲେ। କିନ୍ତୁ ଶେଷ ୧୬ ରେ ତାଙ୍କୁ ବିଶ୍ୱ ନମ୍ବର ୧ ଖେଳାଳି ବ୍ରାଡି ଏଲିସନଙ୍କ ବିପକ୍ଷରେ ପରାଜୟର ସାମ୍ନା କରିବାକୁ ପଡିଥିଲା। ଅନ୍ୟପକ୍ଷରେ ଦୀପିକା କୁମାରୀ ନିଜର ଚମତ୍କାର ଖେଳ ଯୋଗୁଁ ମହିଳା ତୀରନ୍ଦାଜ ଇଭେଣ୍ଟରେ ଏହାକୁ ଶେଷ ୧୬ରେ ପହଞ୍ଚିବାରେ ସଫଳ ହୋଇଥିଲେ।
