ଟୋକିଓ,୨୬।୭: ଟୋକିଓ ଅଲିମ୍ପିକ୍ସ ୨୦୨୦ରେ ଭାରୋତ୍ତୋଳନରେ ସ୍ବର୍ଣ୍ଣ ପଦକ ଜିତିଥିବା ଚାଇନାର ଜିହୁଇ ହୁଙ୍କଠାରୁ ପଦକ ଫେରାଇ ନିଆଯାଇପାରେ। କାରଣ ଜିହୁଇ ଡୋପ ଟେଷ୍ଟ କରାଯିବ। ହୋଙ୍କୁ ଟୋକିଓରେ ରହିବାକୁ କୁହାଯାଇଛି ଏବଂ ଏହି ସମୟ ମଧ୍ୟରେ ଡୋପିଂ ପରୀକ୍ଷା କରାଯିବ। ଏଥିରେ ଯଦି ସେ ବିଫଳ ହୁଅନ୍ତି, ତେବେ ଭାରତର ଭାରୋତ୍ତୋଳନକାରୀ ମୀରାବାଇ ଚାନୁଙ୍କ ରୌପ୍ୟ ପଦକ ସ୍ବର୍ଣ୍ଣରେ ପରିଣତ ହେବ। ସୂଚନାଯୋଗ୍ୟ, ଚାଇନାର ଖେଳାଳି ଜିହୁଇ ହୋ ଅଲିମ୍ପିକ୍ସର ଦ୍ୱିତୀୟ ଦିନରେ ୨୧୦ କିଲୋଗ୍ରାମ ଉଠାଇ ସ୍ବର୍ଣ୍ଣ ପଦକ ଜିତିଥିଲେ ଏବଂ ଏକ ନୂତନ ଅଲିମ୍ପିକ ରେକର୍ଡ ମଧ୍ୟ ସ୍ଥାପନ କରିଛନ୍ତି।
ନିୟମ ବିଷୟରେ କହିବାକୁ ଗଲେ, ଯଦି ଜଣେ ଆଥଲେଟ ଡୋପିଂ ଟେଷ୍ଟରେ ବିଫଳ ହୁଅନ୍ତି, ତେବେ ରୌପ୍ୟ ଜିତିଥିବା ଆଥଲେଟଙ୍କୁ ସ୍ବର୍ଣ୍ଣ ପ୍ରଦାନ କରାଯିବ। ଶନିବାର ଟୋକିଓ ଆନ୍ତର୍ଜାତୀୟ ଫୋରମରେ ମହିଳା ୪୯ କିଲୋଗ୍ରାମ ବର୍ଗରେ ମୀରାବାଇ ଚାନୁ ଭାରତର ପ୍ରଥମ ପଦକ ଜିତିଥିଲେ।
