ଟୋକିଓ,୨୭।୭: ଟୋକିଓ ଅଲିମ୍ପିକ୍ସରେ ପଞ୍ଚମ ଦିନରେ ଭାରତୀୟ ଆଥଲେଟ୍ସମାନେ ନିରାଶାଜନକ ପ୍ରଦର୍ଶନ ଜାରି ରଖିଛନ୍ତି। ଏହି ସମୟରେ ଟେବୁଲ ଟେନିସ ଇଭେଣ୍ଟରେ ଭାରତ ଆଉ ଏକ ବଡ଼ ଝଟ୍କା ଲାଗିଛି। ଭାରତର କିମ୍ବଦନ୍ତୀ ଟେବୁଲ ଟେନିସ ଖେଳାଳି ଶରଥ କମଲଙ୍କୁ ପରାଜୟର ସାମ୍ନା କରିବାକୁ ପଡିଛି। ତାଙ୍କୁ ତୃତୀୟ ରାଉଣ୍ଡରେ ଚାଇନାର ଖେଳାଳି ମା ଲଙ୍ଗ ପରାସ୍ତ କରିଥିଲେ। ଯଦିଓ ଶରଥ ଲଙ୍ଗଙ୍କ ସହ ଏକ ଜବରଦସ୍ତ ପ୍ରତିଯୋଗିତା ଦେଇଥିଲେ କିନ୍ତୁ ବିଜୟଠାରୁ ଦୂରରେ ରହିଥିଲେ। ମା ଲଙ୍ଗ ଏହି ମ୍ୟାଚରେ ଶରଥଙ୍କୁ ୭-୧୧, ୧୧-୮, ୧୧-୧୩, ୪-୧୧, ୪-୧୧ରେ ପରାସ୍ତ କରିଛନ୍ତି। ଏହି ପରାଜୟ ପରେ ସେ ଟୋକିଓ ଅଲିମ୍ପିକ୍ସରୁ ବାଦ୍ ପଡିଛନ୍ତି।
