ଅଲିମ୍ପିକ ଚାମ୍ପିଅନ ସ୍ବେଟର୍ ବୁଣିବା କଥାଟା ଟିକେ ଅଜବ ଲାଗୁଥାଇପାରେ, କିନ୍ତୁ ଟୋକିଓ ଅଲିମ୍ପିକ୍ସରେ ମଧ୍ୟ ଏହି ଘଟଣା ଦେଖିବାକୁ ମିଳିଛି। ଏହା ଦେଖି ସାରା ବିଶ୍ୱରେ ପ୍ରଶଂସକମାନେ ଆଶ୍ଚର୍ଯ୍ୟ ହୋଇଯାଇଛନ୍ତି। ବ୍ରିଟେନର ଅଲିମ୍ପିକ ଚାମ୍ପିଅନ ଡାଇଭର ଟମ ଡେଲେ ତାଙ୍କ ଖେଳରେ ମହାରଥ ହାସଲ କରିବା ସହିତ ବୁଣାରେ ମଧ୍ୟ ପାରଦର୍ଶିତା ହାସଲ କରିଛନ୍ତି। ପୁରୁଷ ୧୦ ମିଟର ସିଙ୍କ୍ରୋନାଇଜଡ ପ୍ଲାଟଫର୍ମ ଡ୍ରାଇଭିଂରେ ଟମ ମ୍ୟାଟି ଲିଙ୍କ ସହ ସ୍ବର୍ଣ୍ଣ ପଦକ ଜିତିଥିଲେ। ଏହା ପରେ ସେ ମହିଳା ୩ ମିଟର ସ୍ପ୍ରିଙ୍ଗବୋର୍ଡ ଫାଇନାଲରେ ଦର୍ଶକଙ୍କ ମଧ୍ୟରେ ସ୍ବେଟର୍ ବୁଣୁଥିବାର ନଜର ଆସିଥିଲେ। ୨୭ ବର୍ଷୀୟ ଟମ ତାଙ୍କ ଇଂଲଣ୍ଡ ଦଳର ଜର୍ସି ପିନ୍ଧି ଷ୍ଟାଣ୍ଡରେ ବସିଥିଲେ। ସେ ଏହି ଇଭେଣ୍ଟରେ ଖେଳାଳିଙ୍କ ଅପେକ୍ଷା ଅଧିକ ପ୍ରାଧାନ୍ୟ ବିସ୍ତାର କରିଥିଲେ। କୌତୁହଳର ବିଷୟ ହେଉଛି ଯେ ଏହି ଇଭେଣ୍ଟରେ କୌଣସି ବ୍ରିଟିଶ ଖେଲାଳି ଖେଳୁ ନ ଥିଲେ। ଟମ୍ ନିଜର ସ୍ବର୍ଣ୍ଣ ପଦକ ରଖିବା ପାଇଁ ଏକ କଭର ମଧ୍ୟ ଉଲ୍ରେ ବୁଣିଛନ୍ତି। ତିନିଥର ବିଶ୍ୱ ଚାମ୍ପିଅନ ଟମ ୨୦୧୨ ଲଣ୍ଡନ ଏବଂ ୧୦୧୬ ରିଓ ଅଲିମ୍ପିକ୍ସରେ ବ୍ରୋଞ୍ଜ ପଦକ ଜିତିଥିଲେ।
ଡିସେମ୍ବର ୨୦୧୩ରେ ଟମ ଏକ ୟୁଟ୍ୟୁବ ଭିଡିଓ ଜାରି କରି ଘୋଷଣା କରିଥିଲେ ଯେ ସେ ଜଣେ ପୁରୁଷଙ୍କ ସହ ଅଛନ୍ତି। ଟମ ଆମେରିକୀୟ ଓସ୍କାର ବିଜେତା ଚଳଚ୍ଚିତ୍ର ସ୍କ୍ରିନ ରାଇଟର୍, ନିର୍ଦ୍ଦେଶକ ତଥା ନିର୍ମାତା ଡଷ୍ଟିନ ଲାନ୍ସ ବ୍ଲାକଙ୍କ ସହିତ ଅକ୍ଟୋବର ୨୦୧୫ରେ ନିର୍ବନ୍ଧ କରିଥିଲେ ଏବଂ ଉଭୟ ୨୦୧୭ରେ ବିବାହ କରିଥିଲେ।
