ନୂଆଦିଲ୍ଲୀ,୧୪।୭: ଟମାଟୋର ଦର ବୃଦ୍ଧିକୁ ଦେଖି ସରକାର ଯେଉଁ ପଦକ୍ଷେପ ନେବା କଥା ତା’ର ପ୍ରଭାବ ଶୁକ୍ରବାରଠାରୁ ଦେଖିବାକୁ ମିଳିଛି। ଦିଲ୍ଲୀ-ଏନସିଆରରେ ଶସ୍ତାରେ ଟମାଟୋ ମିଳିବା ଆରମ୍ଭ ହୋଇଯାଇଛି। ଆଉ ଏଠାରେ ଏବେ ଟମାଟୋ କିଲୋ ପ୍ରତି ଦାମ ୧୦୦ ଟଙ୍କା ତଳକୁ ଆସିଯାଇଛି। ଏହା ଏଇଥିପାଇଁ ଗୁରୁତ୍ୱପୂର୍ଣ୍ଣ ଯେ ଏବେ ଦେଶରେ ପ୍ରାୟ ସବୁ ସ୍ଥାନରେ ଟମାଟୋ କିଲୋ ପିଛା ଦାମ ୨୨୦ ଟଙ୍କାରେ ପହଞ୍ଚିଲାଣି।
ଶୁକ୍ରବାର ଦିଲ୍ଲୀ-ଏନସିଆରରେ ଟମାଟୋ ମୂଲ୍ୟ କିଲୋଗ୍ରାମ ପ୍ରତି ୯୦ ଟଙ୍କାକୁ ଖସି ଆସିଛି। କାରଣ ଜାତୀୟ ସମବାୟ ଗ୍ରାହକ ଫେଡେରେସନ (ଏନସିସିଏଫ) କେତେକ ରାଜ୍ୟରୁ ଟମାଟୋ କ୍ରୟ କରିଛି। ସେଥିରେ ଆନ୍ଧ୍ରପ୍ରଦେଶ, କର୍ଣ୍ଣାଟକ ଏବଂ ମହାରାଷ୍ଟ୍ରରୁ ଟମାଟୋ ଆସିବା ଆରମ୍ଭ ହୋଇଛି। ଗ୍ରାହକଙ୍କୁ ଶସ୍ତା ଦରରେ ଟମାଟୋ ଉପଲବ୍ଧ କରାଇବାକୁ ନାଫେଡ ଏବଂ ଏନସିସିଏଫ ପରି କୃଷି ମାର୍କେଟିଂ ଏଜେନ୍ସିଗୁଡ଼ିକୁ ସରକାର ନିର୍ଦ୍ଦେଶ ଦେଇଛନ୍ତି।
ସରକାରଙ୍କ ସରକାରୀ ପ୍ରେସ ବିଜ୍ଞପ୍ତି ଅନୁଯାୟୀ ଟମାଟୋର ନୂତନ ଷ୍ଟକ ଖୁଚୁରା ଆଉଟଲେଟରେ ବଣ୍ଟନ କରାଯିବ। ଏହା ଶୁକ୍ରବାର ଠାରୁ ବିକ୍ରି ଆରମ୍ଭ ହେବ ଏବଂ ଦିଲ୍ଲୀ-ଏନସିଆର ଅଞ୍ଚଳର ଲୋକମାନେ ଶସ୍ତା ମୂଲ୍ୟରେ ଟମାଟୋ ପାଇପାରିବେ। ଏହି ପର୍ଯ୍ୟାୟରେ, ଦିଲ୍ଲୀର ହ୍ୟାଜଖାସରେ ଶସ୍ତା ଟମାଟୋ ବିକ୍ରି ଆରମ୍ଭ ହୋଇଥିଲା, ଯାହାର ଚିତ୍ର ସାମ୍ନାକୁ ଆସିଛି ।
ସରକାରଙ୍କ ଅଫିସିଆଲ ପ୍ରେସ ରିଲିଜ ଅନୁଯାୟୀ, ଟମାଟୋର ନୂଆ ଷ୍ଟକକୁ ରିଟେଲ ଆଉଟଲେଟ୍ସକୁ ବଣ୍ଟାଯିବ। ଶୁକ୍ରବାରଠାରୁ ଏହାର ବିକ୍ରି ଆରମ୍ଭ କରାଯିବ। ଏହାପରେ ଦିଲ୍ଲୀ-ଏନସିଆରରେ ଲୋକଙ୍କୁ ଶସ୍ତାରେ ଟମାଟୋ ମିଳିଯିବ।