ନୂଆଦିଲ୍ଲୀ,୧୯।୮: ଚଢା ଦାମରେ ଟମାଟୋ କିଣୁଥିବା ଲୋକଙ୍କ ପାଇଁ ଆସିଛି ଏକ ଆଶ୍ୱସ୍ତି କର ଖବର। ଅଗଷ୍ଟ ୨୦ରୁ ଟମାଟୋ କିଲୋ ୪୦ ଟଙ୍କାରେ ମିଳିବ। କାରଣ ଏନସିସିଏଫ ଓ ନାଫେଡକୁ ମନ୍ତ୍ରଣାଳୟ ପକ୍ଷରୁ ପୁରୁଣା ଦାମରେ ଟମାଟୋ ବିକ୍ରି କରିବାକୁ ନିର୍ଦ୍ଦେଶ ଦିଆଯାଇଛି। ସୂଚନାଯୋଗ୍ୟ, ଏବେ ସାଧାରଣ ବଜାରରେ ଟମାଟୋର ଦାମ ୫୦-୬୦ ଟଙ୍କା ରହିଛି। ମଣ୍ଡି ବିଶେଷଜ୍ଞ କହିଛନ୍ତି ଯଦି ବର୍ଷା ଜାରି ରହେ ତେବେ ପୁଣିଥରେ ଟମାଟୋ ଦାମ ବଢିପାରେ। ହେଲେ ହୁଏତ ଏପରି ହୋଇ ନ ପାରେ। ଦିଲ୍ଲୀ ମଣ୍ଡିରେ ଏବେ ଟମାଟୋ କିଲୋପ୍ରତି ୬୦ ଟଙ୍କା ଦାମରେ ବିକ୍ରି କରାଯାଉଛି। ହେଲେ ନଏଡାରେ ଏବେବି ଟମାଟୋ କିଲୋପ୍ରତି ଦାମ ୮୦ ଟଙ୍କା ରହିଛି।
ସୂଚନାଯୋଗ୍ୟ, ଚଳିତ ବର୍ଷ ଟମାଟୋର ମୂଲ୍ୟ କିଲୋଗ୍ରାମ ପ୍ରତି ୩୦୦ଟଙ୍କାରେ ପହଞ୍ଚିଛି। ଏହି ଜିନିଷଟି କାହାଠାରୁ ଅଛପା ନାହିଁ। କାରଣ ଗରିବ କିମ୍ବା ଧନୀ ହେଉ ପ୍ରତ୍ୟେକ ପରିବାରର ପନିପରିବାରେ ଟମାଟୋ ନିଶ୍ଚିତ ଭାବରେ ବ୍ୟବହୃତ ହୁଏ। ସେଥିପାଇଁ ରେସ୍ତୋରାଁ ଏବଂ ଢାବାରେ ଖାଦ୍ୟ ହାରରେ ମଧ୍ୟ ବୃଦ୍ଧି ଘଟିଥିଲା। କେବଳ ଏତିକି ନୁହେଁ, ମଧ୍ୟବିତ୍ତ ପରିବାରମାନେ ପ୍ଲେଟରୁ ଟମାଟୋ ଅଦୃଶ୍ୟ କରିଦେଇଥିଲେ। ଏବେ କିନ୍ତୁ ଏହି ଦାମ ଆୟତ୍ତକୁ ଆସିଛି। ବର୍ତ୍ତମାନ ଗ୍ରାହକ ପୂର୍ବ ପରି ଶସ୍ତା ମୂଲ୍ୟରେ ଟମାଟୋ କିଣିବାକୁ ସକ୍ଷମ ହେବେ। କେବଳ୪୦ଟଙ୍କା ମୂଲ୍ୟରେ ଟମାଟୋ ବିକ୍ରୟ କରିବାକୁ ସମବାୟ ସମିତିକୁ ନିର୍ଦ୍ଦେଶ ଦିଆଯାଇଛି।