ସୁରଟ,୨୭ ।୧୧: ଗୁଜରାଟ ବିଧାନସଭା ନିର୍ବାଚନକୁ ନେଇ ସମସ୍ତ ରାଜନୈତିକ ଦଳ ଯୋରସୋରେ ପ୍ରଚାରରେ ଲାଗି ପଡିଛନ୍ତି । ଏହି କ୍ରମରେ ଶନିବାର ୨୬ ନଭେମ୍ବରରେ ଆମ ଆଦମୀ ପାର୍ଟି(ଏଏପି)ର ଗୁଜରାଟ ମୁଖ୍ୟ ଗୋପାଳ ଇଟାଲିଆ ସୁରଟରେ ପ୍ରଚାର କରୁଥିଲେ । ଏହି ସମୟରେ ତାଙ୍କ ଜନସଭା ଉପରକୁ ପଥରମାଡ ହୋଇଥିଲା । ଫଳରେ ଜଣେ ଶିଶୁ ଆହତ ହୋଇଥିବା ଜଣାପଡିଛି । ଏହି ଘଟଣାକୁ ନେଇ ଏଏପି ନେତା ତଥା ଦିଲ୍ଲୀର ଉପମୁଖ୍ୟମନ୍ତ୍ରୀ ମନିଷ ସିସୋଡିଆ କହିଛନ୍ତି, ଏହି ଘଟଣା ପାଇଁ ଭାରତୀୟ ଜନତା ପାର୍ଟି(ଭାଜପା) ଦାୟୀ । ସିସୋଡିଆ ଉକ୍ତ ସଭାର ଏକ ଫଟୋ ବି ଶେୟାର କରିଛନ୍ତି ।
ସିସୋଡିଆ ତାଙ୍କ ଟୁଇଟରେ ଲେଖିଛନ୍ତି, ଗୁଜରାଟ ଓ ଏମସିଡି ନିର୍ବାଚନ ହାରିବା ଭୟରେ ଭାଜପାର ମୁଣ୍ଡ ଖରାପ ହୋଇଯାଇଛି । ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କୁ ଭୟ କରି ଭାଜପା ପଥରମାଡ କରିବା ସହ ବିଜୟ ହାସଲ କରିବାକୁ ଚେଷ୍ଟା କରୁଛି । ତାଙ୍କ ଶାସନର କ୍ଷମତା ଆଉ ମାତ୍ର ଅଳ୍ପ ଦିନ, ଭାଜପାର ସମସ୍ତ କୁକର୍ମର ହିସାବ ଜନତା ଖୁବଶୀଘ୍ର ଦେବେ ବୋଲି ସିସୋଡିଆ କହିଛନ୍ତି ।
गुजरात और MCD हारने की बौखलाहट ने भाजपा का दिमाग़ ख़राब कर दिया है। केजरीवाल जी से ख़ौफ खाये BJP के गुंडे आम लोगो पर पत्थरबाज़ी कर क्या हासिल करना चाहते है?
इनकी सत्ता के चंद दिन बाक़ी है। इनके हर कुकर्म का जनता इन्हें पूरा हिसाब देगी। https://t.co/Bmr1NYWVWd
— Manish Sisodia (@msisodia) November 26, 2022
