‘ଆସିବାକୁ ବହୁ ବିଳମ୍ବ କରିଦେଲେ, ଆପଣଙ୍କ ପାଇଁ ଏହା ସଠିକ ସ୍ଥାନ’, ଅଜିତ ପାଓ୍ବାରଙ୍କୁ ନେଇ ଶାହାଙ୍କ ବଡ ବୟାନ

ପୁଣେ,୬।୮: ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ରବିବାର ପୁଣେରେ ଏନସିପି ନେତା ଅଜିତ ପାଓ୍ବାରଙ୍କୁ ନେଇ କହିଛନ୍ତି, ଆପଣ ଏଠାକୁ ଆସିବାକୁ ବହୁ ବିଳମ୍ବ କରିଦେଲେ, ଆପଣଙ୍କ ପାଇଁ ଏହି ସ୍ଥାନ ଠିକ। ଅଜିତ ପାୱାର ଗତ ମାସରେ ଭାଜପା ଏବଂ ମୁଖ୍ୟମନ୍ତ୍ରୀ ଏକନାଥ ଶିନ୍ଦେଙ୍କ ଶିବସେନାରେ ଯୋଗ ଦେଇ ନ୍ୟାସନାଲ ଡେମୋକ୍ରାଟିକ ଆଲାଇନ୍ସ (ଏନଡିଏ) ର ଅଂଶ ହୋଇଥିଲେ।
ତାଙ୍କ ଅଭିଭାଷଣ ଆରମ୍ଭରେ ଅମିତ ଶାହା ଅଜିତ ପାୱାରଙ୍କୁ ଉପମୁଖ୍ୟମନ୍ତ୍ରୀ ହୋଇଥିବାରୁ ଅଭିନନ୍ଦନ ଜଣାଇଛନ୍ତି। ଏହି କାର୍ଯ୍ୟକ୍ରମରେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ଶିନ୍ଦେ, ଉପମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ଏବଂ ଅଜିତ ପାୱାର ମଧ୍ୟ ଉପସ୍ଥିତ ଥିଲେ। ଶାହା କହିଛନ୍ତି, ‘ମୁଁ ପ୍ରଥମ ଥର ପାଇଁ ଅଜିତ ପାୱାରଙ୍କ ସହ ମଞ୍ଚ ଉପରେ ବସିଛି। ଅଜିତ ପାୱାର ବର୍ତ୍ତମାନ ସଠିକ ସ୍ଥାନରେ ବସିଛନ୍ତି। ହେଲେ ଆପଣ ଏଠାକୁ ଆସିବାକୁ ବହୁତ ସମୟ ନେଇଥିଲେ।
କେନ୍ଦ୍ର ମନ୍ତ୍ରୀ ଏହା ମଧ୍ୟ କହିଛନ୍ତି ଯେ ଦେଶର ଲୋକଙ୍କ ସ୍ବପ୍ନ ଥିଲା ଯେ ସେମାନଙ୍କ ଘର ନିର୍ମାଣ କରାଯାଉ, ସେମାନଙ୍କ ଘରେ ବିଦ୍ୟୁତ ଆସିବା ଉଚିତ। ଗରୀବଙ୍କ ମନରେ ଯାହା କିଛି ସ୍ବପ୍ନ ଅଛି, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ୯ବର୍ଷ ମଧ୍ୟରେ ତାହା ପୂରଣ କରିଛନ୍ତି। ସେ କହିଛନ୍ତି ଯେ ଗରିବ ଲୋକ କାମ କରିବାକୁ ଚାହାଁନ୍ତି, କିନ୍ତୁ ଏହାର ପୁଞ୍ଜି ନାହିଁ, ଏହାର ଉତ୍ତର ହେଉଛି ସହଯୋଗୀ ଆନ୍ଦୋଳନ। ସହଯୋଗ ମାଧ୍ୟମରେ ସମୃଦ୍ଧିର ଅର୍ଥ ହେଉଛି ଛୋଟ ବ୍ୟକ୍ତିଙ୍କୁ ସୁଯୋଗ ଦେବା। ଲୋକମାନେ ଏହି ମନ୍ତ୍ରଣାଳୟରୁ ଏକ ସୁଯୋଗ ପାଇବେ।