କାନ୍ସ,୨୧।୫: କାନ୍ସ ଫିଲ୍ମ ଫେଷ୍ଟିଭାଲ ରେଡ୍ କାର୍ପେଟରେ ଜଣେ ଅଚିହ୍ନା ଯୁବତୀ ଟପ୍ଲେସ୍ ଅବସ୍ଥାରେ ବଳାତ୍କାର ବନ୍ଦ କର ନାରା ଦେଇ ଚର୍ଚ୍ଚାରେ। ଯୁଦ୍ଧ ପ୍ରଭାବିତ ୟୁକ୍ରେନରେ ରୁଷିୟ ସୈନ୍ୟଙ୍କ ଦ୍ୱାରା ଯୌନ ନିର୍ଯାତନା ସହ ବଳାତ୍କାର ଶିକାର ହେଉଥିବାକୁ ବିରୋଧ କରି ଉକ୍ତ ଯୁବତୀ ଅଭିନବ ଉପାୟରେ ପ୍ରତିବାଦର ସ୍ବର ଉଠାଇଛନ୍ତି। ସେ ଦେହରେ ୟୁକ୍ରେନୀୟ ପତାକାରେ ‘ଷ୍ଟପ୍ ରେପିଂ ଅସ୍’ ଅର୍ଥାତ ଆମକୁ ବଳାତ୍କାର ବନ୍ଦ କର ବୋଲି ଲେଖି ଏକାକି ବିକ୍ଷୋଭ କରିବା ସହ ପୋଷାକ ଚିରି ଫଟୋଗ୍ରାଫରଙ୍କୁ ପୋଜ୍ ଦେଇଥିଲେ। ଘଟଣାସ୍ଥଳରେ ଉପସ୍ଥିତ ସୁରକ୍ଷାକର୍ମୀମାନେ ତାଙ୍କୁ କୋଟ୍ରେ ଢ଼ାଙ୍ଗି ସେଠାରୁ ନେଇଯାଇଥିଲେ। ତେବେ ଘଟଣାକୁ ନେଇ ସୋସିଆଲ ମିଡିଆରେ ଫଟୋ ଏବଂ ଭିଡିଓ ବେଶ ଭାଇରାଲ ହେଉଥିବା ବେଳେ ଯୁବତୀଜଣଙ୍କ କିଭଳି ସୁରକ୍ଷା ଚେକ୍ ପାସ୍ କରି ରେର୍ଡ କାର୍ପେଟରେ ପହଞ୍ଚିଲେ ସେ ନେଇ ଦ୍ୱନ୍ଦ୍ୱରେ ପଡ଼ିଛନ୍ତି।
ପ୍ରକାଶ ଯେ, ୟୁକ୍ରେନ୍ ସହ ଯୁଦ୍ଧ ଆରମ୍ଭରୁ ରୁଷିଆ ସୈନ୍ୟମାନେ ୟୁକ୍ରେନ୍ ମହିଳାଙ୍କୁ ବଳାତ୍କାର କରୁଥିବା ନେଇ ଖବର ଆସିଛି। ଏପରିକି କାନ୍ସ ଫେଷ୍ଟିଭାଲରେ ୟୁକ୍ରେନ ରାଷ୍ଟ୍ରପତି ଭ୍ଲାଡିମିର ଜେଲେନସ୍କି ରୁଷିଆର ସୈନ୍ୟମାନେ ପାଶବିକ ଅତ୍ୟାଚାର ଜାରି ରଖିଥିବା ବେଳେ ସେମାନଙ୍କ କବଳରୁ ଶିଶୁ ଏବଂ ନାବାଳିକା ବାଦ ପଡ଼ୁନଥିବା ପ୍ରକାଶ କରିଥିଲେ। ସେ ଏକ ଭିଡିଓ ଜାରି କରି ଏଭଳି ଅଭିଯୋଗ ଆଣିଥିଲେ।
On the Cannes red carpet for George Miller’s new movie, the woman in front of me stripped off all her clothes (covered in body paint) and fell to her knees screaming in front of photographers. Cannes authorities rushed over, covered her in a coat, & blocked my camera from filming pic.twitter.com/JFdWlwVMEw
— Kyle Buchanan (@kylebuchanan) May 20, 2022
