ନିମାପଡ଼ା,୭।୧୦(ଡି.ଏନ୍.ଏ.): ନିମାପଡ଼ା ଥାନା ଅନ୍ତର୍ଗତ ଗୁହାଳପଡ଼ା ଗ୍ରାମରେ ଜଣେ ମହିଳାଙ୍କୁ ୨ଲକ୍ଷ ଟଙ୍କା ଯୌତୁକ ଆଣିବାକୁ କହି ଶାଶୁଘର ଲୋକେ ନିର୍ଯାତନା ଦେଉଥିବା ନେଇ ବୁଧବାର ଅଭିଯୋଗ ହୋଇଛି। ଅଭିଯୋଗକ୍ରମେ ପୋଲିସ ମହିଳାଙ୍କ ସ୍ବାମୀ, ଶ୍ୱଶୁର, ନଣନ୍ଦଙ୍କ ବିରୋଧରେ ଏକ ମାମଲା(ନଂ.୩୪୮/୨୧) ରୁଜୁ କରି ତଦନ୍ତ ଚଳାଇଛି। ଏହି ଥାନା ଅଧୀନ ଝାମ୍ବୁଲାକୁଦ ଗ୍ରାମର ମହିଳା ୮ମାସ ତଳେ ଗୁହାଳପଡ଼ାର ଯୁବକଙ୍କୁ ବିବାହ କରିଥିଲେ। ବିବାହ ବେଳେ ମହିଳା ୧ଲକ୍ଷ ଟଙ୍କା ସମେତ ଆସବାବପତ୍ର ଯୌତୁକ ବାବଦରେ ଆଣିଥିଲେ। କିଛିମାସ ପରେ ଶାଶୁଘର ପକ୍ଷରୁ ମହିଳାଙ୍କୁ ଆହୁରି ଯୌତୁକ ଆଣିବାକୁ ଦାବି କରି ନାନା ନିର୍ଯାତନା ଦେଉଥିଲେ। ଫଳରେ ମହିଳା ବାପଘରକୁ ଜଣାଇବା ସହ ଥାନାର ଦ୍ୱାରସ୍ଥ ହୋଇଥିଲେ।
