ଚେନ୍ନାଇ, ୧୮।୪: ଆଇପିଏଲର ୧୪ ତମ ସିଜିନର ଦଶମ ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁର ଅଧିନାୟକ ବିରାଟ କୋହଲି କୋଲକାତା ନାଇଟ ରାଇଡର୍ସ ବିପକ୍ଷରେ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛନ୍ତି। ପ୍ରଥମେ ବ୍ୟାଟିଂ କରି ଦଳକୁ ପ୍ରଥମ ଓଭରରେ ଦୁଇଟି ଝଟ୍କା ଲାଗିଛି। ଚେନ୍ନାଇର ଏମ ଚିଦାମ୍ବରମ ଷ୍ଟାଡିୟମରେ ଏହି ମ୍ୟାଚ ଖେଳାଯାଉଛି। ଏହି ମ୍ୟାଚରେ ତିନିଜଣ ବିଦେଶୀ ଖେଳାଳିଙ୍କ ସହ ବେଙ୍ଗାଲୁରୁ ଦଳ ପଡିଆକୁ ଓହ୍ଲାଇଛି । ଏଥିସହିତ କେକେଆର ଦଳରେ କୌଣସି ପରିବର୍ତ୍ତନ କରାଯାଇ ନାହିଁ। ବିରାଟ କୋହଲିଙ୍କ ଦଳ ସିଜନରେ ଏପର୍ଯ୍ୟନ୍ତ ଉଭୟ ମ୍ୟାଚ ଜିତିଛି ଏବଂ ବିଜୟର ହ୍ୟାଟ୍ରିକ ମାରିବାକୁ ଚେଷ୍ଟା କରିବ।
ବିଶ୍ୱକପ ବିଜେତା ଇଂଲଣ୍ଡ ଅଧିନାୟକ ମୋର୍ଗାନ ତାଙ୍କ ଆଇପିଏଲ ଦଳ କେକେଆରକୁ ଟ୍ରାକକୁ ଫେରାଇ ଆଣିବାକୁ ଚେଷ୍ଟା କରିବେ। ଚେନ୍ନାଇର ସମାନ ଗ୍ରାଉଣ୍ଡରେ କୋଲକାତା ସନରାଇଜର୍ସ ହାଇଦ୍ରାବାଦକୁ ୧୦ ରନ୍ରେ ପରାସ୍ତ କରି ବିଜୟ ସହ ସିଜିନ ଆରମ୍ଭ କରିଥିଲା କିନ୍ତୁ ପରବର୍ତ୍ତୀ ମ୍ୟାଚରେ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ପରାଜୟର ସମ୍ମୁଖୀନ ହୋଇଥିଲା। ଏପର୍ଯ୍ୟନ୍ତ ଉଭୟଙ୍କ ମଧ୍ୟରେ ମୋଟ ୨୬ ଟି ମ୍ୟାଚ ଖେଳାଯାଇଛି ଏବଂ ସେଥିମଧ୍ୟରୁ ୧୪ଟି କେକେଆରରୁ ଜିତିଥିବାବେଳେ ୧୨ ଟି ମ୍ୟାଚ ବେଙ୍ଗାଲୁରୁ ଜିତିଛି।