ନୟାଗଡ,୧୦।୧: ନୟାଗଡ଼ ପୋଲିସ ଜିଲା ଚାନ୍ଦପୁର ଥାନା ଖଣ୍ଡିସ ପୋଲ ନିକଟରେ ସୁରକ୍ଷା ପ୍ରାଚୀର ଭାଙ୍ଗି ନଦୀ ଭିତରକୁ ଗୁରୁବାର ବିଳମ୍ବିତ ରାତିରେ ଟୁରିଷ୍ଟ ବସ ଓଲଟି ପଡି ବାଉଁଶିଆପଡାର ଛାଟିଆ ଦାସଙ୍କର ମୃତ୍ୟୁ ହୋଇଥିବାବେଳେ ୪ ଗୁରୁତର ସମେତ ୩୯ ଆହତ ହୋଇଛନ୍ତି। ଗୁରୁତରଙ୍କୁ ଭୁବନେଶ୍ୱର ସ୍ଥାନାନ୍ତରିତ କରାଯାଇଛି। ଅନ୍ୟପକ୍ଷେ ଚାନ୍ଦପୁର ବସନ୍ତ ମଞ୍ଜରୀ ସାଧାରଣ ସ୍ବାସ୍ଥ୍ୟ କେନ୍ଦ୍ରରେ ୧୨ ଜଣ ଓ ରଣପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ୨୭ ଜଣ ଚିକିତ୍ସିତ ହେଉଛନ୍ତି। ବସଟି ଖଣ୍ଡପଡ଼ାର ଗୁଣ୍ଠୁଣୀରୁ ପର୍ଯ୍ୟଟକ ନେଇ ଗୁରୁବାର ରାତିରେ କାଳିଜାଇ ଓ ତାରାତାରିଣୀ ଅଭିମୁଖେ ଯାଉଥଲା। ବସ ରେ୪୧ ଜଣ ଥଲେ। ଦୁର୍ଘଟଣା ଖବର ଜଣାପଡିବା ପରେ ଲୋକେମନେ କାଚ ଭାଙ୍ଗି ପର୍ଯ୍ୟଟକଙ୍କୁ ଉଦ୍ଧାର କରିଥିଲେ। ରଣପୁର ଅଗ୍ନିଶମ ବାହିନୀ ଉଦ୍ଧାର କାର୍ଯ୍ୟରେ ନିୟୋଜିତ ହୋଇଥିଲେ।