ସମଗ୍ର ବିଶ୍ୱରେ ଆଜିକାଲି ଉତ୍ତାପ ପର୍ଯ୍ୟଟନର ନୂଆ ଟ୍ରେଣ୍ଡ ଚାଲିଛି। ନ୍ୟୁଜିଲାଣ୍ଡ, ୟୁରୋପ, ଚାଇନା ଏବଂ ଆମେରିକାରେ ଏହାର ଆକର୍ଷଣ ଯଥେଷ୍ଟ ବୃଦ୍ଧି ପାଇଛି। ଏଥିପାଇଁ ଲୋକେ ଆମେରିକାର ନେଭାଡାର ‘ଡେଥ ଭ୍ୟାଲି’କୁ ଯାଇ ସେଠାରେ ଥର୍ମୋମିଟର ସହିତ ସେଲ୍ଫି ନେଉଛନ୍ତି। ଏହି ସେଲ୍ଫି ନେବା ପାଇଁ ପର୍ଯ୍ୟଟକମାନେ ହଜାର ହଜାର କିଲୋମିଟର ଦୂରରୁ ଆସୁଛନ୍ତି। ଗତମାସ ଅର୍ଥାତ୍ ସେପ୍ଟେମ୍ବରରେ ପୃଥିବୀର ସବୁଠାରୁ ଉତ୍ତପ୍ତ ସ୍ଥାନ ହେତୁ ‘ଡେଥ୍ ଭ୍ୟାଲି’ଲାଇମ ଲାଇଟ୍ରେ ଥିଲା। ଏହି ଖବର ଭାଇରାଲ ହେବା ମାତ୍ରେ ସେଠାରେ ଉତ୍ତାପ ପର୍ଯ୍ୟଟନ ବୃଦ୍ଧି ପାଇଛି। ଫଳରେ ଲୋକେ ପ୍ରତିଦିନ ଏଠାକୁ ବୁଲିବାକୁ ଯାଉଛନ୍ତି।
‘ଡେଥ ଭ୍ୟାଲି’ର ସବୁଠାରୁ ବଡ଼ ସମସ୍ୟା ହେଉଛି, ଏଠାରେ ତାପମାତ୍ରା ପ୍ରାୟତଃ ୧୩୦ ଡିଗ୍ରୀ ଫାରେନହାଇଟ୍ କିମ୍ବା ତା’ଠାରୁ ଅଧିକ ରହିଥାଏ। ଏଠାରେ ପଡୁଥିବା ଉତ୍ତାପ ଦ୍ୱାରା ଯେ କେହି ମରି ଯାଇପାରନ୍ତି।
୧୯୧୩ ମସିହାରେ, ଏଠାରେ ତାପମାତ୍ରା ୧୩୪.୦୬ ଡିଗ୍ରୀ ଫାରେନ୍ହାଇଟ୍ ରେକର୍ଡ କରାଯାଇଥିଲା। ଏଠାରେ ପାଣିର ଚିହ୍ନ ମଧ୍ୟ ନାହିଁ। ଯଦିଓ କୌଣସି ସ୍ଥାନରେ ପାଣି ମିଳେ ତେବେ ଏହା ଏହା ସାଲାଇନଯୁକ୍ତ ଅଟେ। ଏହା ବିଶ୍ୱର ସବୁଠାରୁ ଉତ୍ତପ୍ତ ସ୍ଥାନ ଭାବରେ ବିବେଚନା କରାଯାଏ। ଯେଉଁଠାରେ କେହି ବଞ୍ଚିବା ଅସମ୍ଭବ।
ତଥାପି ‘ଡେଥ୍ ଭ୍ୟାଲି’ ସବୁବେଳେ ପର୍ଯ୍ୟଟକଙ୍କ ପାଇଁ ଆକର୍ଷଣର କେନ୍ଦ୍ରବିନ୍ଦୁ ପାଲଟିଥାଏ। ଏଠାରେ ଚାଲିଲେ ଅନୁଭବ ହୁଏ ଯେ, ଆମେ ମାଇକ୍ରୋଓ୍ବେଭ୍ ଚୁଲାରେ ବୁଲୁଛୁ। ପ୍ରତିବର୍ଷ ଏହି ଉପତ୍ୟକାକୁ ୫ ଲକ୍ଷରୁ ଅଧିକ ଲୋକ ବୁଲିବାକୁ ଆସିଥାନ୍ତି। ଆଜିକାଲି ପର୍ଯ୍ୟଟକମାନେ ଉତ୍ତାପ ଫଟୋ ନେବାକୁ ଆସୁଛନ୍ତି। ଲୋକମାନେ ‘ଡେଥ୍ ଭ୍ୟାଲି’ରେ ସ୍ଥାପିତ ଏକ ଚରମ ଥର୍ମୋମିଟର ସହିତ ଫଟୋ ଉଠାଇ ସୋସିଆଲ ମିଡିଆରେ ପୋଷ୍ଟ କରନ୍ତି।
