ବାରଙ୍ଗ,୧୫।୧୦(ଡି.ଏନ୍.ଏ.): ପ୍ରାଣୀ ଉଦ୍ୟାନ ନନ୍ଦନକାନନରେ ସଫାରିକୁ ଟେଣ୍ଡରରେ ନେଇଥିବା ଠିକାଦାର ଶୁକ୍ରବାର ଏକ ଏସି ବସ୍ ଆଣି ପ୍ରଚଳନ କରିଛି। ପ୍ରଥମ କରି ସଫାରି ବୁଲିବାକୁ ଯାଉଥିବା ପର୍ଯ୍ୟଟକମାନେ ଏବେ ଏସି ବସ୍ରେ ବୁଲିବାର ମଜାନେଇପାରିବେ। ତେବେ ସାଧାରଣ ବସ୍ରେ ଯାତ୍ରା କଲେ ମୁଣ୍ଡପିଛା ୬୦ଟଙ୍କା ଦେବାକୁ ପଡୁଥିବାବେଳେ ଏସି ବସ୍ରେ ୯୦ଟଙ୍କା ଦେବାକୁ ପଡୁଛି। ତେବେ ଏହି ଠିକାଦାର ସଫାରି ନେବାପରଠାରୁ ନନ୍ଦନକାନନକୁ ବହୁ ବିବାଦ ସାମ୍ନା ହେବାକୁ ପଡିଛି। ପର୍ଯ୍ୟଟକମାନଙ୍କୁ ମାଡ ମାରିବା ଭଳି ବିବାଦରେ ନନ୍ଦନକାନନକୁ ଛନ୍ଦି ହେବାକୁ ପଡିଛି। ପ୍ରାୟ ସମୟରେ ନନ୍ଦନକାନନ କାର୍ଯ୍ୟାଳୟକୁ ପର୍ଯ୍ୟଟକମାନେ ଆସି ସଫାରି ବୁଲିବାରେ ଦେଖାଦେଇଥିବା ଅବ୍ୟବସ୍ଥା ଉପରେ ଅଭିଯୋଗମାନ କରିଯାଉଥିବାର ଜଣାପଡିଛି।