ଭୁବନେଶ୍ୱର,୨୦।୭ (ଅଭୟ ଦାଶ): ଦେଶର ପ୍ରମୁଖ ଅଟୋ ବ୍ରାଣ୍ଡ୍ ତଥା ଟୟୋଟା କିର୍ଲୋସ୍କର ମୋଟର ବା ଟୟୋଟାର ସ୍ବତନ୍ତ୍ର ଅଭିଯାନ ‘ଅର୍ବାନ କ୍ରୁଜର ଟାଇଜରର ଡ୍ରାଇଭିଂ ଏକ୍ସପେରିଏନ୍ସ’ର ଶୁଭାରମ୍ଭ ନିକଟରେ ହୋଇଯାଇଛି। ଏହି ପରିପ୍ରେକ୍ଷୀରେ କମ୍ପାନୀର ସ୍ବୀକୃତିପ୍ରାପ୍ତ ଡିଲର ଇସ୍ପିରିଟ୍ ଟୟୋଟାର ଭୁବନେଶ୍ୱରସ୍ଥିତ ପଟିଆ ଶୋ’ରୁମ୍ ପକ୍ଷରୁ ଶୁକ୍ରବାର ଏକ ଅଭିନବ କାର୍ଯ୍ୟକ୍ରମ ‘ଗ୍ରାହକ ଚାଳନା ଅଭିଜ୍ଞତା’ର ଆୟୋଜନ କରାଯାଇଥିଲା।
ଏପରିକି କମ୍ପାନୀର ନୂତନ ମଡେଲ ତଥା ନିକଟରେ ଅନାବରଣ ହୋଇଥିବା ‘ଅର୍ବାନ କ୍ରୁଜର ଟାଇଜର’ର ସ୍ବତନ୍ତ୍ର ଡ୍ରାଇଭିଂ ଅଭିଜ୍ଞତା ହାସଲ ସହ ସେମାନଙ୍କର ଅଭିଜ୍ଞତା ମଧ୍ୟ ଉଭୟ କମ୍ପାନୀ ଓ ଶୋ’ରୁମ୍ ଅଧିକାରୀଙ୍କ ସହ ବଣ୍ଟନ କରିଥିଲେ। ଅପରପକ୍ଷରେ ଟୟୋଟାର ବରିଷ୍ଠ ଅଧିକାରୀ ଓ ଶୋ’ରୁମ୍ର ବିଶେଷଜ୍ଞ ‘ଅର୍ବାନ କ୍ରୁଜର ଟାଇଜର’ର ବିଭିନ୍ନ ଦିଗ ସମ୍ପର୍କରେ ବିସ୍ତୃତ ଆଲୋଚନା ସହ ଉଭୟ ଗ୍ରାହକ ଓ ଅନ୍ୟମାନଙ୍କ ପ୍ରଶ୍ନର ଉତ୍ତର ମଧ୍ୟ ବିସ୍ତୃତ ଭାବେ ପ୍ରଦାନ କରିଥିଲେ।
ଉଲ୍ଲେଖଯୋଗ୍ୟ, ଟୟୋଟାର ଅଲ୍ ନ୍ୟୁ ଅର୍ବାନ କ୍ରୁଜର ଟାଇଜର ନିକଟରେ ଅନାବରଣ ସହ ଓଡ଼ିଶା ବଜାରରେ ଉପଲବ୍ଧ ହୋଇଛି। ଏହି ମଡେଲ ଉଭୟ ସିଏନ୍ଜି ଓ ପେଟ୍ରୋଲରେ ଉପଲବ୍ଧ ଥିଲାବେଳେ ଏଥିରେ ଅନେକ ପ୍ରକାର ଫିଚର ଓ ଅତ୍ୟାଧୁନିକ ସୁବିଧା ସାମିଲ ରହିଛି।