ନୂଆଦିଲ୍ଲୀ,୧୨ା୧୧: ଦେଶର ପ୍ରମୁଖ ଅଟୋମୋବାଇଲ କମ୍ପାନୀ ଟୟୋଟା କିର୍ଲୋସ୍କର ମୋଟର (ଟିକେଏମ୍)ର ସିଏନ୍ଜି ସେଗ୍ମେଣ୍ଟ ସମ୍ପର୍କରେ ଘୋଷଣା କରାଯାଇଛି। କମ୍ପାନୀର ଉଭୟ ଟୟୋଟା ଗ୍ଲାନ୍ଜା ଏବଂ ଅର୍ବାନ କ୍ରୁଜ୍ର ହାଇରେଡର୍ ମଡେଲ ଲାଇନ ଅପ୍ ପାଇଁ ଅଧିକ ବିକଳ୍ପ ପ୍ରଦାନ କରାଯାଇଛି। ଚଳିତ ବର୍ଷ ଜାନୁୟାରୀରେ ଆରମ୍ଭ ହୋଇଥିବା ଟୟୋଟା ଗ୍ଲାନ୍ଜା ବର୍ତ୍ତମାନ ଏସ୍ ଏବଂ ଜି ଗ୍ରେଡ୍ରେ ଏକ ସିଏନ୍ଜି ଭାରିଆଣ୍ଟ ସହ ମାନୁଆଲ ଟ୍ରାନ୍ସମିସନ୍ ପାୱାର ଟ୍ରେନ୍ ସହିତ ଉପଲବ୍ଧ ହେବ। ଗ୍ରାହକମାନଙ୍କ ପାଇଁ ଏକ ଇକୋ-ଫ୍ରେଣ୍ଡ୍ଲି ତଥା ଅର୍ଥନୈତିକ ବିକଳ୍ପ ପ୍ରଦାନ କରିବାକୁ ଲକ୍ଷ୍ୟ ରଖାଯାଇଛି। ଏପରିକି ମାନୁଆଲ ଟ୍ରାନ୍ସମିସନ୍ (ଏମ୍ଟି) ପାୱାର ଟ୍ରେନ୍ ସହ ଏ ଏବଂ ଜି ଗ୍ରେଡ୍ରେ ଉପଲବ୍ଧ ହେବାକୁ ଥିବା ଉଭୟ ମଡେଲରେ ଇ-ସିଏନ୍ଜି ଟ୍ରିମ୍ ରହିଛି। ଇ-ସିଏନ୍ଜି ଟେକ୍ନୋଲୋଜି ସହ ଟୟୋଟା ଗ୍ଲାନ୍ଜାର ମୂଲ୍ୟ ଯଥାକ୍ରମେ ଏସ୍ ଏବଂ ଜି ଗ୍ରେଡ୍ ପାଇଁ ୮,୪୩,୦୦୦ ଟଙ୍କା ଏବଂ ୯,୪୬,୦୦୦ ଟଙ୍କା ରହିଛି। ଭାରତର ସମସ୍ତ ଟୟୋଟା ଡିଲରଶିପ୍ରେ ଉଭୟ ଗ୍ଲାନ୍ଜା ଏବଂ ଅର୍ବାନ କ୍ରୁଜ୍ର ହାଇରେଡର୍ ପାଇଁ ଇ-ସିଏନ୍ଜି ଟ୍ରିମ୍ ପାଇଁ ବୁକିଂ ଆରମ୍ଭ ହୋଇଯାଇଛି। ଅର୍ବାନ କ୍ରୁଜ୍ର ହାଇରେଡରର ଇ-ସିଏନ୍ଜି ଟ୍ରିମ୍ର ମୂଲ୍ୟ ଖୁବ୍ ଶୀଘ୍ର ଘୋଷଣା କରାଯିବ।
ଏ ଟିକେଏମ୍ର ବିକ୍ରୟ ଏବଂ ଷ୍ଟ୍ରାଟେଜିକ୍ ମାର୍କେଟିଂ ଆସୋସିଏଟ୍ ଉପସଭାପତି ଅତୁଲ ସୁଦ୍ କହିଛନ୍ତି, ଆମର ଲକ୍ଷ୍ୟ ସର୍ବଦା ବଜାରର ଆବଶ୍ୟକତାକୁ ଆଧାରରେ ଗ୍ରାହକଙ୍କ ଆକାଂକ୍ଷା ପୂରଣ ଉପରେ ସ୍ପଷ୍ଟ ଧ୍ୟାନଦେଇ ଗ୍ରାହକଙ୍କୁ ସର୍ବାଧିକ ଉପଯୋଗୀ ଉତ୍ପାଦ ଏବଂ ସେବା ଯୋଗାଇଦେବା। ସମାନ ଦୃଷ୍ଟିକୋଣକୁ ଆଖିରେ ରଖି ଆମେ ଟୟୋଟା ଗ୍ଲାନ୍ଜା ଏବଂ ଅର୍ବାନ କ୍ରୁଜ୍ର ହାଇରେଡର ପାଇଁ ସିଏନ୍ଜି ଭାରିଆଣ୍ଟ ଘୋଷଣା କରି ବେଶ୍ ଆନନ୍ଦିତ।