ବ୍ରହ୍ମପୁର,୩୧।୫(ସ୍ମୃତି ରଞ୍ଜନ ମହାଲିକ): ଟିପି ସଦର୍ନ ଓଡିଶା ଡିଷ୍ଟ୍ରିବ୍ୟୁସନ ଲିମିଟେଡ (ଟିପିଏସ୍ଓଡିଏଲ୍) ଗ୍ରେଟ ପ୍ଲେସ ଟୁ ୱାର୍କ ମାନ୍ୟତା ହାସଲ କରିଛି। ଏହି ପ୍ରମାଣ ପତ୍ର ଚଳିତ ମେ’ ମାସରୁ ଆସନ୍ତାବର୍ଷ ମେ ମାସ ପର୍ଯ୍ୟନ୍ତ ବୈଧ ରହିବ। କମ୍ପାନୀର କର୍ମକ୍ଷେତ୍ର ସଂସ୍କୃତି ଓ କର୍ମଚାରୀଙ୍କର କମ୍ପାନୀ ପ୍ରତି ଥିବା ସନ୍ତୁଷ୍ଟି ଏବଂ ବିଶ୍ୱାସ ଆଧାରରେ ଗ୍ରେଟ ପ୍ଲସ ଟୁ ୱାର୍କ ପ୍ରମାଣ ପତ୍ର ପ୍ରଦାନ କରାଯାଇଥାଏ। ଟିପିଏସ୍ଓଡିଏଲ ତାହାର କର୍ମଚାରୀଙ୍କ ମଧ୍ୟରେ ଦୃଢ ବିଶ୍ୱାସ ଓ ବନ୍ଧୁତାର ଭାବକୁ ପ୍ରତିଫଳିତ କରିପାରିଥିବାରୁ ଏହି ପ୍ରମାଣପତ୍ର ହାସଲ କରିଛି।
ଏହା କର୍ମଚାରୀଙ୍କର ନିଷ୍ଠା ଓ ଆମ୍ଭ ସୁପରିଚାଳନାର ପ୍ରମାଣ ବୋଲି ଟିପିଏସଓଡିଏଲ ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ଅମିତ କୁମାର ଗର୍ଗ କହିଛନ୍ତି। ଟିପିଏସଓଡିଏଲ କିଭଳି କର୍ମଚାରୀଙ୍କର କଲ୍ୟାଣ ଓ ବୃତ୍ତିଗତ ଅଭିବୃଦ୍ଧି ଦିଗରେ ଧ୍ୟାନ ଦେଉଛି ସେ ନେଇ କ୍ରମାଗତ ପ୍ରଚେଷ୍ଟା ଜାରି ରଖିଥିବା ପ୍ରମାଣପତ୍ରରେ ଉଲ୍ଲେଖ ରହିଛି। ସେହିଭଳି ସମାଜ ପ୍ରତି ଅବଦାନ, କର୍ମକ୍ଷେତ୍ରରେ ଉତ୍ସାହ, ପରିଚାଳନା ଦକ୍ଷତା ଓ କର୍ମଚାରୀଙ୍କ କାର୍ଯ୍ୟ ଏବଂ ଅନୁଷ୍ଠାନ ପ୍ରତି ଥିବା ସନ୍ତୁଷ୍ଟି କ୍ଷେତ୍ରରେ କମ୍ପାନୀର ଯୋଗଦାନ ସମ୍ପର୍କରେ ମଧ୍ୟ ପ୍ରମାଣପତ୍ରରେ ଉଲ୍ଲେଖ କରାଯାଇଛି।