ଭୁବନେଶ୍ୱର,୨୧ା୧୦(ବ୍ୟୁରୋ): କଟକରେ କାର୍ଯ୍ୟରତ ଟ୍ରାଫିକ ହାବିଲଦାର ଲଳିତ ମୋହନ ରାଉତଙ୍କୁ ମଙ୍ଗଳବାର ପୋଲିସ କମିଶନର ସୁଧାଂଶୁ ଷଡ଼ଙ୍ଗୀ ସମ୍ମାନିତ କରିଛନ୍ତି। ୧ହଜାର ଟଙ୍କା ସହ ପ୍ରଶଂସାପତ୍ର ପ୍ରଦାନ କରାଯାଇଛି। ଗତ ୧୭ତାରିଖ ଅପରାହ୍ନରେ ଲଳିତ କଟକ ଶିଖରପୁର ଟ୍ରାଫିକ ଛକରେ ଡ୍ୟୁଟି କରୁଥିଲେ। ଏହି ସମୟରେ ରାସ୍ତା ଉପରେ ଚିପ୍ସଗୁଡ଼ିକ ଏଣେତେଣେ ପଡ଼ିଥିବା ନେଇ ତାଙ୍କ ନଜରକୁ ଆସିଥିଲା। ଟ୍ରାଫିକ ସମସ୍ୟା ସୃଷ୍ଟି ହେବା ସହ ଦୁର୍ଘଟଣାର ଆଶଙ୍କା କରି ଲଳିତ ନିକଟରେ ଥିବା ଝାଡୁ ଆଣି ରାସ୍ତା ସଫା କରିଥିଲେ। ଏଥିସହ ଏକ ବସ୍ତାରେ ଚିପ୍ସଗୁଡ଼କ ପୂରାଇ ରାସ୍ତାରୁ ହଟାଇଥିଲେ। ସୋସିଆଲ ମିଡିଆରେ ତାଙ୍କ ଭିଡିଓ ଭାଇରାଲ ହୋଇଥିଲା।