ଛେଣ୍ଡିପଦା,୧୯।୭ (ସ୍ବ.ପ୍ର.)
ଅନୁଗୋଳ ଜିଲା ଛେଣ୍ଡିପଦା ବ୍ଲକ ଦେଇ ଯାଇଥିବା ଦେବଗଡ଼-ଅନୁଗୋଳ ୬୩ନଂ ରାଜ୍ୟ ରାଜପଥର କୋଶଳା ଗ୍ରାମ ଶିମିଳିସାହି ଠାରେ ସୋମବାର ଭୋର ୪ଟାରୁ ରାସ୍ତା ଉପରେ ୪ଟି ଭାରିଯାନ ଅଟକି ଯିବାରୁ ଦିନ ୮ଟା ପର୍ଯ୍ୟନ୍ତ ଯାତାୟତ ସମ୍ପୁର୍ଣ୍ଣ ଠପ୍ ହୋଇଯାଇଥିଲା। ୪ଟି ଟ୍ରେଲରରେ ବଡ ବଡ ଯନ୍ତ୍ରାଂଶ ନିକଟସ୍ଥ ଏକ ଘରୋଇ କମ୍ପାନୀକୁ ଯାଉଥିବାବେଳେ ଶିମିଳିସାହିଠାରେ ବିଦ୍ୟୁତ୍ ତାର ଛିଣ୍ଡି ଯିବାରୁ ଉକ୍ତ ଭାରିଯାନ ଗୁଡିକ ରାସ୍ତା ଉପରେ ଅଟକି ରହିଥିଲ। ଯନ୍ତ୍ରାଂଶଗୁଡିକ ବହୁତ ବଡ ହୋଇଥିବାରୁ ରାସ୍ତର ଦୁଇ ପାର୍ଶ୍ୱକୁ ଅବରୋଧ କରି ରହିଥିବା ଭାରିଯାନ ପାର୍ଶ୍ୱରେ କେବଳ ବାଇକ୍ ଓ ପଥଚାରୀ ଯାତାୟାତ କରିପାରିଥିବାବେଳେ ଅନ୍ୟ ସମସ୍ତ ଯାନବାହନ ଦୁଇ ପାର୍ଶ୍ୱରେ ଅଟକି ରହିଥିଲା। ଏପରିକି ଯାତ୍ରୀବାହୀ ବସଗୁଡିକ ମଧ୍ୟ ଅଟକି ରହିବାରୁ ଯାତ୍ରୀମାନେ ଘୋର ଅସୁବିଧାର ସମ୍ମୁଖୀନ ହୋଇଥିଲେ। ଭାରୀଯାନ ପାଇଁ ଦୀର୍ଘ ୪ଘଣ୍ଟା ରାସ୍ତା ଜାମ ହୋଇଥିବାବେଳେ ଛେଣ୍ଡିପଦା ପୋଲିସ ଖବରପାଇ ଘଟଣାସ୍ଥଳରେ ପହଞ୍ଚିି ଟ୍ରାଫିକ ଯାମ ହଟାଇବା ପରେ ଉଭୟ ପାଶର୍ବରେ ଅଟକିଥିବା ଗାଡି ଗୁଡିକର ଯାତାୟତ ସ୍ବାଭାବିକ ହୋଇଥିଲା।