କଟକ ସଦର,୩୧। ୧(ଡି.ଏନ୍.ଏ): କଟକ – ପାରାଦୀପ ରାସ୍ତାର ରାମକମରପୁର ନିକଟରେ ସୋମବାର ଅପରାହ୍ନରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏଥିରେ ୨ ସ୍କୁଟି ଆରୋହୀଙ୍କର ମୃତ୍ୟୁ ଘଟିଛି। ମୃତକମାନେ ହେଲେ କିଶନନଗର ଥାନା ଅନ୍ତର୍ଗତ ପାଇକାଣ ଗ୍ରାମର ସରୋଜ ଗୋଚ୍ଛାୟତ (୨୫) ଓ ତ୍ରିଲୋଚନ ମହାରଣା (୬୨)। ଉଭୟ ସ୍କୁଟିରେ କଟକ ଅଭିମୁଖେ ଯାଉଥିବା ବେଳେ ପାରାଦୀପ ଆଡୁ ଆସୁଥିବା (ଏକ କାର୍ ନଓ ଓଡ଼ି – ୩୩ ଆର – ୩୩୩୯) ପଛପଟୁ ଧକ୍କା ଦେଇଥିଲା। ଖବରପାଇ କିଶନନଗର ଥାନା ଅଧିକାରୀ ସସ୍ମିତା ରଣା ଦୁର୍ଘଟଣାସ୍ଥଳରେ ପହଞ୍ଚି ପୋଲିସ ଭ୍ୟାନରେ ୨ ସ୍କୁଟି ଆରୋହୀଙ୍କୁ ସଙ୍କଟାପନ୍ନ ଅବସ୍ଥାରେ କଟକ ବଡ଼ ଡ଼ାକ୍ତରଖାନାକୁ ନେଇ ଯାଇଥିଲେ । ମାତ୍ର ସେଠାରେ ଡାକ୍ତର ଉଭୟଙ୍କୁ ମୃତ ବୋଲି ଘୋଷଣା କରିଥିଲେ । କାରରେ ଯାତ୍ରା କରୁଥିବା ୨ ଜଣ ମହିଳା ଓ ଚାଳକ ମଧ୍ୟ ଗୁରୁତର ଭାବେ ହୋଇ କଟକ ବଡ଼ ଡ଼ାକ୍ତରଖାନାରେ ଚିକିତ୍ସିତ ହେଉଥିବା ପୋଲିସ ସୂତ୍ରରୁ ଜଣାପଡିଛି । ଦୁର୍ଘଟଣାଗ୍ରସ୍ତ ୨ ଟିଯାକ ଗାଡ଼ିକୁ ପୋଲିସ ଜବତ କରିଛି।
