ନୂଆଦିଲ୍ଲୀ,୭ା୬: ପଞ୍ଜାବରେ ୪ ଦିନ ପୂର୍ବରୁ ଏକ ମାଲ୍ବାହୀ ଟ୍ରେନ୍ ଦୁର୍ଘଟଣାଗ୍ରସ୍ତ ହୋଇଥିଲା। ଉକ୍ତ ଟ୍ରେନ୍ର ଲୋକୋ ପାଇଲଟ୍ ଏବଂ ତାଙ୍କ ସହକାରୀ ଶୋଇପଡ଼ିବାରୁ ଏହି ଦୁର୍ଘଟଣା ଘଟିଥିଲା ବୋଲି ତଦନ୍ତରୁ ଜଣାପଡ଼ିଛି। ଶୋଇପଡ଼ିଥିବାରୁ ରେଡ୍ ସିଗ୍ନାଲରେ ସେମାନେ ବ୍ରେକ୍ ଚାପିପାରି ନ ଥିଲେ ବୋଲି ରେଲଓ୍ବେର ଜଣେ ଅଧିକାରୀ କହିଛନ୍ତି।
ଗତ ୨ ତାରିଖ ରାତି ୩ଟା ୧୫ରେ ପଞ୍ଜାବର ସିରହିନ୍ଦ ଜଙ୍କଶନ ଏବଂ ସାଧୁଗଡ଼ ରେଳ ଷ୍ଟେଶନ ମଧ୍ୟରେ ଏହି ଦୁର୍ଘଟଣା ଘଟିଥିଲା। ମାଲ୍ବାହୀ ଟ୍ରେନ୍ ଇଞ୍ଜିନ ଲାଇନଚ୍ୟୁତ ହୋଇ ମୁଖ୍ୟ ପାସେଞ୍ଜର ଲାଇନ ପାଖାପାଖି ରହିଥିଲା। ସେହି ସମୟରେ ଉକ୍ତ ଲାଇନରେ ଆସୁଥିବା ଜମ୍ମୁ-ତାଓ୍ବି ସମର ସ୍ପେଶାଲ ଟ୍ରେନ୍ ଆସୁଥିଲା। ପଡ଼ିରହିଥିବା ଇଞ୍ଜିନ ସହ ସ୍ପେଶାଲ ଟ୍ରେନ୍ ଇଞ୍ଜିନ ଧକ୍କା ହେବାରୁ ଏହା ଲାଇନଚ୍ୟୁତ ହୋଇଥିଲା।
