ଗୁନା,୨।୧୨: ମଧ୍ୟପ୍ରଦେଶର ଗୁନା ରେଲଓ୍ବେ ଷ୍ଟେଶନରେ ଏପରି କିଛି ଘଟଣା ଘଟିଛି ଯାହାକୁ ଦେଖିଲେ ଆପଣଙ୍କ ଶରୀରର ରୁମ ଟାଙ୍କୁରି ଉଠିବ। ହଠାତ୍ ଜଣେ ୭୦ବର୍ଷିୟ ବୃଦ୍ଧ ରେଳଟ୍ରାକରେ ଆସି ଶୋଇ ପଡିଥିଲେ। କିଛି କହିବା ପୂର୍ବରୁ ଆଖି ପିଛୁଳାକେ ଏକ ଟ୍ରେନ ତାଙ୍କ ଉପର ଦେଇ ଚାଲିଗଲା। କିନ୍ତୁ ଭିତରେ ଅଟକି ରହିଥିବା ବୃଦ୍ଧଙ୍କର ଟିକିଏ ଆଞ୍ଚୁଡି ମଧ୍ୟ ହୋଇ ନ ଥିଲା।
ବୃଦ୍ଧ ଜଣକୁ ଗୁନା ରେଲଓ୍ବେ ଷ୍ଟେଶନ ନିକଟରେ ରହୁଛନ୍ତି। ତାଙ୍କ ପରିବାର ବୋଲି କେହି ନାହାନ୍ତି। କୁହାଯାଉଛି କି, ଏକଲାପଣରେ ରହି ଅବସାଦରେ ଆତ୍ମହତ୍ୟା ପାଇଁ ଟ୍ରାକରେ ଶୋଇ ପଡିଥିଲେ। ଭାଗ୍ୟକୁ ତାଙ୍କର ମୁଣ୍ଡ ଟ୍ରାକରୁ ତଳକୁ ଥିଲା। ଅନ୍ୟଥା ତାଙ୍କ ଜୀବନ ଚାଲି ଯାଇଥାନ୍ତା। ପରେ ରେଲସ୍ବେ ପୋଲିସ ବୃଦ୍ଧଙ୍କୁ ବୁଝାଇସୁଝାଇ ବୃଦ୍ଧାଶ୍ରମକୁ ପଠାଇ ଦେଇଛନ୍ତି।
ଷ୍ଟେଶନରେ ଉପସ୍ଥିତ ଥିବା ଲୋକ ଏହି ଘଟଣାକୁ କଏଦ କରିଥିଲେ ଯାହା ସୋସିଆଲ ମିଡିଆରେ ଖୁବ୍ ଭାଇରାଲ ହେବାରେ ଲାଗିଛି।
ଏସମ୍ପର୍କରେ ଜଣେ ରେଳ ଅଧିକାରୀ କହିଛନ୍ତି, ଘଟଣା ଘଟିବାର ଘଣ୍ଟାକ ପୂର୍ବରୁ ବୃଦ୍ଧ ଜଣକ ଷ୍ଟେଶନରେ ବସିଥିଲେ। ଅଚାନକ ମାଲଗାଡି ଆସିବା ଦେଖି ଟ୍ରାକ ଉପରକୁ ଯାଇ ଶୋଇପଡିଥିଲେ। ଯେତେବେଳେ ଜେଆରପେ ଯବାନ ତାଙ୍କୁ ଦେଖିଲେ ସେ ତୁରନ୍ତ ବଞ୍ଚାଇବାକୁ ଧାଇଁ ଯାଇଥିଲେ। ହେଲେ ଏହା ପୂର୍ବରୁ ମାଲଗାଡି ତାଙ୍କ ଉପର ଦେଇ ଯାଉଥିଲା।