ରୁପ୍ରାରୋଡ,୧୦।୪(ଡି.ଏନ୍.ଏ.): କଳାହାଣ୍ଡି ଜିଲା ରୁପ୍ରାରୋଡ ରେଳ ଷ୍ଟେଶନରେ ରେଳଯାତ୍ରୀ ସୁରକ୍ଷା ସମିତି, ରୁପ୍ରାରୋଡ ପକ୍ଷରୁ ରବିବାର ସକାଳୁ ଆନ୍ଦୋଳନ ଜାରି ରହିଛି। (୧୮୫୧୭- କୋରବା), (୧୮୫୧୮ – ବିଶାଖାପାଟଣା) ଭଳି ଅନେକ ଟ୍ରେନ୍ ୨ ବର୍ଷ ଧରି କରୋନା ସଂକ୍ରମଣ ଲାଗି ଚଳାଚଳ ବନ୍ଦ ରହିବା ସହ କେତେକ ଟ୍ରେନ ଷ୍ଟପେଜ ନ ଥିବାରୁ ଉକ୍ତ ଅଞ୍ଚଳର ଯାତ୍ରୀ ନାନା ଅସୁବିଧାର ସମ୍ମୁଖୀନ ହେଉଛନ୍ତି। ଏହାର ପ୍ରତିବାଦରେ ନର୍ଲା ବ୍ଲକ ଉପାଧ୍ୟକ୍ଷ ଦୁର୍ଗା ପ୍ରସାଦ ମହାନ୍ତି ଓ ଲକ୍ଷ୍ମୀନାରାୟଣ ଖେତାନଙ୍କ ନେତୃତ୍ୱରେ ଶତାଧିକ ଆନ୍ଦୋଳନକାରୀ ସକାଳୁ ରୁପ୍ରାରୋଡ ଷ୍ଟେଶନରେ ରେଳରୋକୋ କରି ଆନ୍ଦୋଳନ ଜାରି ରଖିଛନ୍ତି। ସୂଚନାଯୋଗ୍ୟ, ଶନିବାର ରେଳବିଭାଗ ବରିଷ୍ଠ ଅଧିକାରୀ, ଜିଲା ପ୍ରଶାସନର ଅଧିକାରୀ, ନର୍ଲା ପୋଲିସ ଓ ରେଳଯାତ୍ରୀ ସୁରକ୍ଷା ସମିତିର କର୍ମକର୍ତ୍ତାଙ୍କୁ ନେଇ ଏକ ବୈଠକ ହୋଇଥିଲା। ତେବେ ବୈଠକରେ କୈାଣସି ସମାଧାନ ନ ହେବା ପରେ ରବିବାର ସକାଳୁ ଆନ୍ଦୋଳନ କରାଯାଇଛି।