ମୁମ୍ବାଇ,୩ା୧୨: ରିଲାଏନ୍ସ ରିଟେଲର ପ୍ରମୁଖ ସଂସ୍ଥା ‘ଜିଓମାର୍ଟ’ ବର୍ତ୍ତମାନ ହ୍ବାଟ୍ସଆପ୍ ଜରିଆରେ କାରବାର କରିବାକୁ ଯାଉଛି। ଏପରିକି ଜିଓମାର୍ଟର ସମସ୍ତ ସେବାର ଅର୍ଡରକୁ ଗ୍ରହଣ କରିବା ସହ କାର୍ଯ୍ୟକାରୀ କରିବ ବୋଲି କମ୍ପାନୀ ପକ୍ଷରୁ କୁହାଯାଇଛି। ଏହି ସେବା ପାଇଁ ଉଭୟ ହ୍ବାଟ୍ସଆପ୍ ଓ ଜିଓମାର୍ଟ ମଧ୍ୟରେ ଏକ ସହଭାଗିତା ହୋଇଥିବା ଜଣାପଡ଼ିଛି। ଫଳରେ ଏହାଦ୍ୱାରା ଗ୍ରାହକମାନେ ବର୍ତ୍ତମାନ ସହଜରେ ସେମାନଙ୍କର ଘରେ ବ୍ୟବହୃତ ସାମଗ୍ରୀର ଆବଶ୍ୟକତାକୁ ହ୍ବାଟ୍ସଆପ୍ ଚାଟ୍ ମାଧ୍ୟମରେ ବ୍ରାଉଜ୍ ଓ କିଣାକିଣି କରିପାରିବେ। ଜିଓମାର୍ଟକୁ ହ୍ବାଟ୍ସଆପ୍ରେ ପ୍ରଦାନ କରିବା ପାଇଁ ଜିଓ ପ୍ଲାଟ୍ଫର୍ମ ମେଟା ସହ ସହଭାଗିତା ସ୍ଥାପନ କରିଛି। ଏହା ଏକ ଗ୍ଲୋବାଲ ଫାଷ୍ଟ ଉପତ୍ାଦ ଅନୁଭବ ଗ୍ରାହକମାନଙ୍କୁ ପ୍ରଦାନ କରାଇବ। ଏହି ସହଭାଗିତା ଦ୍ୱାରା ଭାରତର ଡିଜିଟାଲ ରୂପାନ୍ତରଣ ହୋଇପାରିବ ଓ ଜନସାଧାରଣ ତଥା ବ୍ୟବସାୟୀମାନଙ୍କୁ ସମସ୍ତ ପ୍ରକାର ସୁଯୋଗ ପ୍ରଦାନ କରିବ, ଯଦ୍ଦ୍ବାରା ସେମାନେ ଏକ ନୂତନ ଉପାୟରେ ସଂଯୁକ୍ତ ହୋଇପାରିବେ ଓ ଦେଶର ଅର୍ଥନୈତିକ ବିକାଶକୁ ଆହୁରି ଅଧିକ ତ୍ୱରାନ୍ବିତ କରିପାରିବେ। ହ୍ବାଟ୍ସଆପ୍ରେ ଜିଓମାର୍ଟ ଅନୁଭବ ଦେଶରେ ଗ୍ରାହକମାନଙ୍କର କ୍ରୟ ଅନୁଭୂତିରେ ଏକ ବୈପ୍ଳବିକ ପରିବର୍ତ୍ତନ ଆଣିବ ଓ ଏହା ସହିତ ଗ୍ରାହକମାନେ ଏକ ସରଳ ଓ ସୁବିଧାଜନକ କ୍ରୟ ଅନୁଭୂତି ଲାଭ କରିପାରିବେ। ଏହି ଝିଞ୍ଝଟମୁକ୍ତ ସେବା ସହିତ ଗ୍ରାହକମାନେ ସେମାନଙ୍କର ସୁବିଧା ଅନୁସାରେ ଅର୍ଡର ମଧ୍ୟ କରିପାରିବେ ଓ ଏଥିରେ କୌଣସି ସମୟ ବା ପରିମାଣର ପ୍ରତିବନ୍ଧକ ନାହିଁ। ଉଲ୍ଲେଖଯୋଗ୍ୟ, ଦୈନନ୍ଦିନର ଆବଶ୍ୟକ ସାମଗ୍ରୀକୁ ଯେକୌଣସି ସମୟରେ ହ୍ବାଟ୍ସଆପ୍ରେ ବାଛିପାରିବେ। ଏଥିପାଇଁ ଆପଣଙ୍କୁ ‘Great deals on JioMart’ ଲେଖି ଜିଓମାର୍ଟ ନମ୍ବର (+୯୧ ୭୯୭୭୦୭୯୭୭୦)କୁ ହ୍ବାଟ୍ସଆପ୍ରେ ପଠାଇବାକୁ ହେବ ଓ ଆପଣ ତୁରନ୍ତ ଶପିଂ କାଟାଲଗ୍ ପାଇପାରିବେ। ଏହା ସହିତ ପ୍ରଚଳିତ ଅଫର ଓ ଡିଲ୍ ସମ୍ପର୍କରେ ନୋଟିଫିକେଶନ ମଧ୍ୟ ପାଇପାରିବେ। ଏହି ପ୍ଲାଟ୍ଫର୍ମ ମାଧ୍ୟମରେ ଅର୍ଡର କରି ଆପଣ କେବଳ ରିୟଲ୍ ଟାଇମ୍ ଅପ୍ଡେଟ୍ ଓ ଷ୍ଟାଟସ ପାଇବେ ନାହିଁ ବରଂ ଏହା ସହିତ କୌଣସି ସମସ୍ୟା କ୍ଷେତ୍ରରେ ଆପଣ ସପୋର୍ଟ ସହିତ ମଧ୍ୟ ଯୋଗାଯୋଗ କରିପାରିବେ। ଆହୁରି ମଧ୍ୟ ଅନେକ ସୁବିଧା ରହିଛି। ସର୍ବନିମ୍ନ କାର୍ଟ ଭାଲ୍ୟୁ ୨୫୦ ଟଙ୍କାର କିଣାକିଣି କରନ୍ତୁ ଓ ଆଶ୍ୱସ୍ତ ୩୦% ରିହାତି ଲାଭ କରନ୍ତୁ ଓ ଏହା ସହିତ ୧୨୦ ଟଙ୍କା ପର୍ଯ୍ୟନ୍ତ ସର୍ବାଧିକ ଡିସ୍କାଉଣ୍ଟ ଉପଭୋଗ କରନ୍ତୁ।