ଜ୍ୟୋତିଷ ଶାସ୍ତ୍ରରେ ଗ୍ରହମାନଙ୍କ ଗମନାଗମନକୁ ଅଧିକ ଗୁରୁତ୍ୱ ଦିଆଯାଏ। ଯାହାକି ଗୋଟିଏ ରାଶିରୁ ଅନ୍ୟ ରାଶିକୁ ଚଳନ କରିଥାନ୍ତି। ଏପ୍ରିଲ ୨୩ ପୂର୍ବାହ୍ନ ୩ଟା ୩୩ରେ ବୃହସ୍ପତି ଚଳନ କରିବେ। ତେବେ ବୃହସ୍ପତି ମୀନ ରାଶି ଛାଡ଼ି ମେଷ ରାଶିରେ ପ୍ରବେଶ କରିବେ। ଏହି ଚଳନ ସମୟରେ ୪ଟି ରାଶିରେ ଭାଗ୍ୟ ପରିବର୍ତ୍ତନ ହେବ ଜାଣନ୍ତୁ ସେ ସବୁ ରାଶି ବିଷୟରେ।
ମେଷ
ମେଷ ରାଶିକୁ ବୃହସ୍ପତିଙ୍କ ଚଳନ ଫଳରେ ଶୁଭ ଖବର ପ୍ରାପ୍ତ ହେବ। ଏହି ରାଶିର ଲୋକେ ଆର୍ଥିକ କ୍ଷେତ୍ରରେ ଅଗ୍ରଗତି କରିବେ। ଚାକିରିରେ ଥିବା ଲୋକଙ୍କ ପାଇଁ ଏହି ସମୟ ଅତ୍ୟନ୍ତ ସ୍ବତନ୍ତ୍ର ହେବ। ଛାତ୍ରୀଛାତ୍ରମାନେ ପରୀକ୍ଷାରେ ସଫଳତା ପାଇବେ। ଯେଉଁମାନେ ପ୍ରେମ ସମ୍ପର୍କରେ ଅଛନ୍ତି ବିବାହ ହେଉନାହିଁ, ଏହି ମାସଠାରୁ ସେମାନଙ୍କର ବିବାହ ଯୋଗ ରହିଛି।
କର୍କଟ ରାଶି
ବୃହସ୍ପତିରଙ୍କ ଚଳନ କର୍କଟ ରାଶି ପାଇଁ ମଧ୍ୟ ଶୁଭ ହେବ ବୋଲି ଜ୍ୟୋତିରବିଦ୍ମାନେ କହିଛନ୍ତି। ଏହାର ପ୍ରଭାବରେ କର୍କଟ ରାଶିମାନେ ଆର୍ଥିକ ଲାଭ ପାଇବେ । ନୂତନ ପ୍ରକଳ୍ପଗୁଡ଼ିକ ଉପରେ ଚାଲିଥିବା କାର୍ଯ୍ୟରେ ସଫଳତା ମିଳିବ। ଏହି ଚଳନ ସମୟରେ ଜୀବନରେ ଅନେକ ସକାରାତ୍ମକ ପରିବର୍ତ୍ତନ ଆସିବ।
ସିଂହ
ବୃହସ୍ପତି ଚଳନ ସିଂହ ରାଶିଙ୍କ ପାଇଁ ମଧ୍ୟ ଉଜ୍ଜ୍ୱଳମୟ ହେବ। ସିଂହ ରାଶି ଲୋକଙ୍କ ପାଇଁ ଆର୍ଥିକ କ୍ଷେତ୍ରରେ ବଡ଼ ଧରଣର ପରିବର୍ତ୍ତନ ଆଣିବ। ଏହି ରାଶିର ବ୍ୟକ୍ତି ବିଶେଷ ଧାର୍ମିକ କାର୍ଯ୍ୟକଳାପରେ ଆଗ୍ରହ ପ୍ରକାଶ କରିବେ ଏବଂ ଶୁଭ ଫଳାଫଳ ପାଇବେ । ଏହା ସହିତ ସେମାନଙ୍କୁ ଶିକ୍ଷା କ୍ଷେତ୍ରରେ ମଧ୍ୟ ସଫଳତା ମିଳିବ ।
ତୁଳା
ବୃହସ୍ପତିର ଚଳନ ତୁଳା ରାଶି ପାଇଁ ଅନୁକୂଳ ହେବ। ଏହି ରାଶିର ଲୋକେ ବ୍ୟବସାୟରେ ଲାଭବାନ ହେବେ । ଧନଲାଭର ଯଥେଷ୍ଟ ସମ୍ଭାବନା ମଧ୍ୟ ରହିଛି। ଏହି ରାଶିର ଲୋକେ ଜୀବନସାଥୀଙ୍କ ସହିତ ରୋମାଣ୍ଟିକ ସମୟ କାଟିବେ।