ଆର.ଉଦୟଗିରି,୬।୭(ଡି.ଏନ୍.ଏ.): ଗଜପତି ଜିଲାର ମୋହନା ବ୍ଲକ ପିଣ୍ଡିକି ଗ୍ରାମର ଏକ ଦମ୍ପତି କରୋନା ଆକ୍ରାନ୍ତ ହୋଇଛନ୍ତି। ଏହା ପରେ ଗ୍ରାମକୁ ୭ ଦିନ ଲାଗି କଣ୍ଟେନମେଣ୍ଟ ଜୋନ ଘୋଷଣା କରାଯାଇଛି। ଶନିବାର ରାତିରେ ଜିଲାପାଳ ଅନୁପମ ସାହା ୭ ଦିନ ପାଇଁ କଣ୍ଟେନମେଣ୍ଟ ଜୋନ ଘୋଷଣା କରିଛନ୍ତି । ଜାତୀୟ ରାଜପଥକୁ ସଂଯୋଗ ହେଉଥିବା ପିଣ୍ଡିକି ଓଡ଼ିଆ ସାହି , କୁମ୍ଭାର ସାହି, ପଦାଆମ୍ବ ଓ ଲାବରମା ଗ୍ରାମକୁ ପ୍ରଶାସନ ପକ୍ଷରୁ ପରିଦର୍ଶନ ଓ ବିଭିନ୍ନ ଦାୟିତ୍ୱ ପଦାଧିକାରୀମାନଙ୍କୁ ବଣ୍ଟାଯାଇଛି। ଗ୍ରାମକୁ ରବିବାର ବିଶୋଧନ କରାଯାଇଛି ।
ପ୍ରଶାସନ ନିୟମକୁ ନମାନି ଦମ୍ପତି ଭୋଜି ଖାଇବାକୁ ଗଞ୍ଜାମ ଜିଲା ଯାଇ କରୋନା ଆକ୍ରାନ୍ତ ହୋଇଛନ୍ତି। ସେ ଗଞ୍ଜାମ ଜିଲାରୁ ସଂକ୍ରମିତ ହୋଇ ଆସିବା ପରେ ନିଜ ଗ୍ରାମ ଏବଂ ମୋହନା ବଜାରରେ ବହୁ ଲୋକଙ୍କ ସଂସ୍ପର୍ଶରେ ଆସିଥିବା ଜଣାପଡ଼ିଛି।