କୋଟ୍ଟୟମ,୨୫।୫: ପ୍ରାୟତଃ ଅଜ୍ଞାତ ସ୍ଥାନକୁ ଯାତ୍ରା କରିବା ସମୟରେ, ଲୋକମାନେ ନିଜ ଗନ୍ତବ୍ୟ ସ୍ଥଳରେ ପହଞ୍ଚିବା ପାଇଁ ଗୁଗୁଲ ମ୍ୟାପ ଉପରେ ନିର୍ଭର କରନ୍ତି। କିନ୍ତୁ ସବୁବେଳେ ଗୁଗୁଲ ମ୍ୟାପ୍ସ ଉପରେ ନିର୍ଭର କରିବା ଠିକ ହୋଇ ନ ଥାଏ। କେରଳର କୁରୁପନ୍ତରାଠାରେ ଗୁଗୁଲ ମ୍ୟାପର ବ୍ୟବହାର ଏତେ ମହଙ୍ଗା ପ୍ରମାଣିତ ହୋଇଥିଲା ଯେ ଏଥିରେ ମୃତ୍ୟୁ ହେବା ସୁନିଶ୍ଚିତ ଥିଲା। କୁହାଯାଉଛି ଯେ ଶୁକ୍ରବାର ରାତିରେ ହାଇଦ୍ରାବାଦରୁ ଏକ ପର୍ଯ୍ୟଟକ ଦଳ ଆଲାପୁଜା ଅଭିମୁଖେ ଯାଉଥିଲେ। ଯେହେତୁ ସମସ୍ତେ ଏହି ଅଞ୍ଚଳ ବିଷୟରେ ଅବଗତ ନଥିଲେ, ସେମାନେ ନିଜ ଗନ୍ତବ୍ୟ ସ୍ଥଳରେ ପହଞ୍ଚିବା ପାଇଁ ଗୁଗୁଲ ମ୍ୟାପର ସାହାଯ୍ୟ ନେଉଥିଲେ, କିନ୍ତୁ ଗୁଗୁଲ ମାନଚିତ୍ରରେ ଭୁଲ ସୂଚନା ଥିବାରୁ ସେମାନଙ୍କ କାର ସିଧାଯାଇ ଏକ ନଦୀରେ ପଡ଼ିଯାଇଥିଲା।
ଶନିବାର ପୋଲିସ କହିଛି ଯେ ହାଇଦ୍ରାବାଦରୁ ଆସିଥିବା ପର୍ଯ୍ୟଟକଙ୍କ ଗାଡି ଦକ୍ଷିଣ କେରଳର କୁରୁପନ୍ତରା ଜିଲା ନିକଟରେ ଏକ ନଦୀରେ ପଡ଼ିଯାଇଥିଲା। ଶୁକ୍ରବାର ବିଳମ୍ବିତ ରାତିରେ ଏହି ଘଟଣା ଘଟିଛି। ଜଣେ ମହିଳାଙ୍କ ସମେତ ଚାରି ଜଣ ଲୋକ ଆଲାପୁଜା ଆଡକୁ ଯାଉଥିଲେ। ସେ ଯେଉଁଆଡେ ଯାଉଥିଲେ ବର୍ଷା ହେଉଥିଲା।
ଏହି କାରଣରୁ ରାସ୍ତାଗୁଡ଼ିକ ପାଣିରେ ବୁଡ଼ି ଯାଇଥିଲା। ପର୍ଯ୍ୟଟକମାନେ ଏହି ଅଞ୍ଚଳ ବିଷୟରେ ଜାଣି ନ ଥିବାରୁ ସେମାନେ ଗୁଗୁଲ ମାନଚିତ୍ରର ସାହାଯ୍ୟ ନେଉଥିଲେ, କିନ୍ତୁ ଭୁଲ ତଥ୍ୟ ହେତୁ ସେମାନଙ୍କ କାର ପାଣି ଭର୍ତ୍ତି ନଦୀରେ ପଡିଯାଇଥିଲା। ତେବେ, ପୋଲିସ ପାଟ୍ରୋଲିଂ ୟୁନିଟ ଏବଂ ସ୍ଥାନୀୟ ବାସିନ୍ଦାଙ୍କ ଉଦ୍ୟମରେ ଚାରିଜଣ ଉଦ୍ଧାର ହୋଇଥିଲେ, କିନ୍ତୁ ସେମାନଙ୍କ ଗାଡି ପାଣିରେ ବୁଡ଼ି ଯାଇଥିଲା।