ଯେତେବେଳେ କଳା କୌଶଳର କଥା ଆସେ, ସେତେବେଳେ ଭାରତୀୟମାନଙ୍କ ନାଁ ସର୍ବାଗ୍ରେ ଆସେ। ଭାରତରେ ଅନେକ ଲୋକ ନାନା ଆଶ୍ଚର୍ଯ୍ୟଜନକ କଥା କରି ଦେଖାଇଛନ୍ତି, ତାହା କହିବାର ଆବଶ୍ୟକତା ନାହିଁ।
ଶିଳ୍ପପତି ହର୍ଷ ଗୋଏଙ୍କା ଏହିପରି ଭିଡିଓଗୁଡ଼ିକ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଶେୟାର କରିଥାନ୍ତି। ଯେଉଁଥିରେ ଅନେକ ଅଭିନବ କୌଶଳ ରହିଥାଏ। ଯାହା ଲୋକଙ୍କୁ ଆଶ୍ଚର୍ଯ୍ୟ କରିଥାଏ। ଏଥର ବି ଗୋଏଙ୍କା ଏକ ଭିଡିଓ ଶେୟାର କରିଛନ୍ତି। ଯାହାର କୌଶଳ କେବଳ ଆଶ୍ଚର୍ଯ୍ୟଜନକ ନୁହେଁ, ଆକର୍ଷଣୀୟ ମଧ୍ୟ। ଏକ ସ୍କୁଟର, ଯାହା ଗଛ ଉପରକୁ ଚଢ଼ି ପାରୁଥିବା ଭିଡିଓରେ ଦେଖିବାକୁ ମିଳିଛି।
ଗ୍ରାମାଞ୍ଚଳରେ ଲୋକମାନେ ଗଛ ଉପରକୁ ଚଢ଼ି ନଡ଼ିଆ ତୋଳିବାକୁ ବହୁତ ଚେଷ୍ଟା କରିଥାନ୍ତି। ତେଣୁ ଏହି ଅନନ୍ୟ ଯନ୍ତ୍ର ସହିତ, ଗଛ ଚଢ଼ିବା କଷ୍ଟରୁ ମୁକ୍ତି ମିଳିଥାଏ। ଗୋଏଙ୍କା ଶେୟାର କରିଥିବା ଭିଡିଓରେ ଦେଖିବାକୁ ମିଳିଛି, ଜଣେ ବ୍ୟକ୍ତି ଗଛରେ ଲାଗିଥିବା ସ୍କୁଟର ସାହାଯ୍ୟରେ ଉପରକୁ ସହଜରେ ଚଢ଼ିଯାଉଛନ୍ତି।
ଏଥିରେ କ୍ୟାପ୍ଶନ ଲେଖା ଅଛି, ‘ଏହି ’ସ୍କୁଟର’ ଆପଣଙ୍କୁ ୩୦ ସେକେଣ୍ଡରେ ୨୭୫ ଫୁଟ (୮୪ମିଟର) ଗଛ ଚଢ଼ିବାରେ ସାହାଯ୍ୟ କରିବ। ଏହି ସ୍କୁଟର ଯେ କୌଣସି ସିଧା କିମ୍ବା ସାମାନ୍ୟ ବଙ୍କା ଗଛ ଉପରକୁ ଯାଇପାରିବ। ଶୀଘ୍ର ଗୋଟିଏ ଚଢ଼ନ୍ତୁ।
ଭିଡିଓକୁ ୪ ଲକ୍ଷରୁ ଅଧିକ ଲୋକ ଦେଖିଥିବା ବେଳେ ଅନେକ ୟୁଜର ଭିନ୍ନ ଭିନ୍ନ ପ୍ରତିକ୍ରିୟା ଦେଇଛନ୍ତି। କିଛି ୟୁଜର ଏହି ଯନ୍ତ୍ର ଉଦ୍ଭାବନର କୌଶଳକୁ ବେଶ୍ ପ୍ରଶଂସା କରିଛନ୍ତି।