କେନ୍ଦୁଝର,୨୦ା୩(ସ୍ବ.ପ୍ର.): ସୋମବାର ଭୋର୍ ସମୟରେ ହଠାତ୍ ବର୍ଷା ଓ ପବନ କେନ୍ଦୁଝର ସହର ମାଇନିଂ ରୋଡ୍ରେ ଏକ ଗଛ ଉପୁଡ଼ିବାରୁ ଯାତାୟାତ ବ୍ୟାହତ ହୋଇଛି। ବିଦ୍ୟୁତ୍ ଓ କେବୁଲ ମଧ୍ୟ ଛିଣ୍ଡି ଯାଇଛି।
ଆଜି ଭୋର୍ରୁ ହଠାତ୍ ବର୍ଷା ଓ ପବନ ହୋଇଥିଲା। ଫଳରେ ସହରରେ ଲାଗିଥିବା ହୋର୍ଡିଂ ଚିରି ବିଦ୍ୟୁତ୍ ଲାଇନରେ ପଡ଼ିବାରୁ ବିଦ୍ୟୁତ୍ ସରବରାହ ବାଧାପ୍ରାପ୍ତ ହୋଇଛି। ବେଆଇନ ହୋର୍ଡିଂକୁ ଗତକାଲି ଉଠାଯାଇଥିବା ବେଳେ ଅନେକ ସ୍ଥାନରେ ଏବେ ମଧ୍ୟ ଅସୁରକ୍ଷିତ ଅବସ୍ଥାରେ ରହିଛି। ଏଣୁ ଏ ନେଇ ଆଇନଗତ ପଦକ୍ଷେପ ନେବାକୁ ଦାବି ହେଉଛି।