ନୂଆଦିଲ୍ଲୀ: ସୋସିଆଲ ମିଡିଆରେ ଏବେ ଏକ ନୂଆ ଟ୍ରେଣ୍ଡ୍ ଭାଇରାଲ୍ ହେବାରେ ଲାଗିଛି। ଏହି ଟ୍ରେଣ୍ଡର ନାଁ ରହିଛି ହାଫ୍ ଫେସ୍। ଅର୍ଥାତ୍ ଅଧା ମୁହଁର ଫଟୋ। ଲୋକେ ନିଜ ନିଜ ଟୁଇଟର ଓ ଫେସ୍ବୁକରେ ଏବେ ଅଧା ମୁହଁର ଫଟୋ ପକାଇ କମେଣ୍ଟ ଦେବାରେ ଲାଗିଛନ୍ତି। କେବଳ ମଜା କରିବା ପାଇଁ ଏହି ଟ୍ରେଣ୍ଡ୍ ଏବେ ଧୀରେ ଧୀରେ ଲୋକପ୍ରିୟ ହେବାରେ ଲାଗିଛି।
ହାଫ୍ ଫେସ୍ ଟ୍ରେଣ୍ଡ ପାଇଁ ଲୋକେ ବିଭିନ୍ନ ପ୍ରକାର କ୍ରିଏଟିଭ୍ ଉପାୟ ଆପଣେଇବାରେ ଲାଗିଛନ୍ତି। ସୋସିଆଲ ମିଡିଆରେ ଏହି ଟ୍ରେଣ୍ଡର ଫଟୋ ନିମନ୍ତେ ନିଜର ସେଲ୍ଫି କିମ୍ବା ଅନ୍ୟ କାହାର ଫଟୋ ଅପଲୋଡ୍ କରିବାକୁ ପଡ଼ିଥାଏ। କିନ୍ତୁ ପ୍ରତ୍ୟେକ ଫଟୋର ଅଧା ଭାଗକୁ ଯେକୌଣସି ଉପାୟରେ ଲୁଚାଇବାକୁ ହୋଇଥାଏ। ଭିନ୍ନ କଥା ହେଉଛି ଅଧା ମୁହଁକୁ ଲୁଚାଇବା ପାଇଁ କିଏ ବିଭିନ୍ନ ପ୍ରକାର ଟାଟୁ କରୁଛି ତ ଆଉ କିଏ ଅଧା ମୁହଁକୁ ଲୁଚାଇ ଫଟୋ ଉଠାଉଛନ୍ତି।
ଏହି ଟ୍ରେଣ୍ଡଟି ଏବେ ଭାଇରାଲ୍ ହେବାରେ ଲାଗିଛି। ସେଥିପାଇଁ ଅନେକେ ନିଜର ଅଧା ମୁହଁର ଫଟୋ ପୋଷ୍ଟ କରି ମଜା କରିବାରେ ଲାଗିଛନ୍ତି । କିନ୍ତୁ ଏହାକୁ ନେଇ କେତେଜଣ ନକାରାତ୍ମକ କମେଣ୍ଟ ମଧ୍ୟ ଦେଉଛନ୍ତି। ତେବେ ଟୁଇଟର ଓ ଫେସ୍ବୁକରେ ଲୋକେ ନିଜର ଏଭଳି ହାଫ୍ ଫଟୋ ଶେୟାର କରିବା ସହିତ ବିଭିନ୍ନ ଗୃହପାଳିତ ପୋଷା ଜୀବଜନ୍ତୁଙ୍କର ବି ଫଟୋ ପୋଷ୍ଟ କରୁଛନ୍ତି। ହାଫ୍ ଫେସ୍ ଟ୍ରେଣ୍ଡରେ ଫଟୋ ସହିତ କମେଣ୍ଟ ବେଶି ମଜାଦାୟକ। ତେଣୁ ଜଣକ ପରେ ଜଣେ ଏଭଳି ଟ୍ରେଣ୍ଡକୁ ଆପଣେଇ ସୋସିଆଲ୍ ମିଡିଆରେ ଏକପ୍ରକାର ମନୋରଞ୍ଜନ କରିବାରେ ଲାଗିଛନ୍ତି।