ଅନେକ ରୋଚକ ପ୍ରେମ କାହାଣୀ ବିଷୟରେ ଆପଣ ଜାଣିଥିବେ ଏବଂ ଶୁଣିଥିବେ। କିନ୍ତୁ ଆଜି ଆମେ ଆପଣଙ୍କୁ କହିବାକୁ ଯାଉଥିବା ଏହି ପ୍ରେମ କାହାଣୀ ସମ୍ପୂର୍ଣ୍ଣ ଭିନ୍ନ ଏବଂ ଅଦ୍ଭୁତ। ଏହି ଲଭଷ୍ଟୋରୀଟି ହେଉଛି ରୁଷିଆର ଜଣେ ୨୪ ବର୍ଷୀୟା ଯୁବତୀଙ୍କର। ଏହି ଯୁବତୀ ମଣିଷଙ୍କ ପ୍ରତି ନୁହଁନ୍ତି ବରଂ ବିଭିନ୍ନ ନର୍ଜୀବ ପ୍ରତି ଆକର୍ଷିତ ହୋଇଥାନ୍ତିି। ରେନ୍ ଗର୍ଡନ ନାମକ ଏହି ମହିଳା ଏକ ବ୍ରିଫ୍କେସ୍କୁ ମଧ୍ୟ ବିବାହ କରିଛନ୍ତି। ନର୍ସରି ପିଲାଙ୍କୁ ପଢ଼ାଉଥିବା ରେନ୍ କହିଛନ୍ତି, ସେ ଏହି ବ୍ରିଫ୍କେସ୍ ସହିତ ଏକ ସଂଯୋଗକୁ ଅନୁଭବ କରନ୍ତି।
ରେନ ପିଲାଦିନରୁ ବିଶ୍ୱାସ କରନ୍ତି, ସମସ୍ତଙ୍କଠାରେ ଜୀବନ ଅଛି। ରେନ ୨୦୧୫ ରେ ଏକ ହାର୍ଡୱେର୍ ଦୋକାନରୁ ଏହି ବ୍ରିଫ୍କେସ୍ କିଣିଥିଲେ । ଆରମ୍ଭରୁ ସେ ଏହି ବ୍ରିଫ୍କେସ୍ ଦେଖିବାକୁ ଭଲ ପାଉଥିଲେ ଏବଂ ସେ ତାଙ୍କ ସହ ସମୟ ବିତାଉଥିଲେ।
ସେ ବ୍ରିଫ୍କେସ୍ ଦହିତ କଥାବାର୍ତ୍ତା କରୁଥିଲେ। ରେନ ଧୀରେ ଧୀରେ ହୃଦୟଙ୍ଗମ କରିବାକୁ ଲାଗିଲେ ଯେ, ସେ ବ୍ରିଫ୍କେସ୍କୁ ଭଲ ପାଉଛନ୍ତି। ରେନ କହିଛନ୍ତି ଯେ, ବ୍ରିଫ୍କେସ୍ କେବଳ ତାଙ୍କ ପାର୍ଟନର ନୁହଁନ୍ତି, ଜଣେ ବନ୍ଧୁ ଏବଂ ଜଣେ ଭଲ ପରାମର୍ଶଦାତା। ବ୍ରିଫ୍କେସ୍ ତାଙ୍କ କଥା ଶୁଣନ୍ତି ଏବଂ ସେ ବ୍ରିଫ୍କେସ୍ଙ୍କର। ମାତ୍ର ସାଧାରଣ ଲୋକଙ୍କୁ କେବଳ ରେନ୍ଙ୍କ କଥା ଶୁଣାଯାଏ। ହେଲେ ତାଙ୍କ ପାର୍ଟନରଙ୍କର ନୁହେଁ। ଟେଲିପ୍ୟାଥୀ ମାଧ୍ୟମରେ ସେମାନଙ୍କର ଆଧ୍ୟାତ୍ମିକ ସଂଯୋଗ ସମ୍ଭବ ହୋଇ ପାରିଛି। ରେନ ତାଙ୍କ ପରିବାରକୁ ସେମାନଙ୍କ ସମ୍ପର୍କ ବିଷୟରେ କହିଛନ୍ତି। ପରିବାର ମଧ୍ୟ ଏହି ସମ୍ପର୍କକୁ ଗ୍ରହଣ କରିଛନ୍ତି ।