ନୂଆଦିଲ୍ଲୀ,୧୫।୨: ସମସ୍ତେ ନିଜ ଗାଡ଼ିକୁ ବହୁତ ଭଲ ପାଆନ୍ତି। ଏଥିଲାଗି ତ କିଛି ନା କିଛି ମୋଡିଫିକେଶନ୍ କରିବାକୁ ସର୍ବଦା ଆଗଭର ହୋଇଥାନ୍ତି। ସେଭଳି କିଛି ନିଜର ଗାଡ଼ିର ରଙ୍ଗ ବଦଳାଇବାକୁ ମଧ୍ୟ ଇଚ୍ଛା ରଖିଥାନ୍ତି। ଏଥିଲାଗି କିଛି ଜରୁରୀ ନିୟମ ଏବଂ ସର୍ତ୍ତକୁ ପୂରଣ କରିବାକୁ ହୋଇଥାଏ। କାର୍ ସହ ଜଡ଼ିତ ଯେକୌଣସି ମୋଡିଫିକେଶନ ସମ୍ବନ୍ଧୀୟ ସମସ୍ତ ନିୟମ ମୋଟରଯାନ ଧାରାର ସେକ୍ସନ ୫୨ ଅଧିନରେ ଆସିଥାଏ। ଆସନ୍ତୁ ଜାଣିବା ଏଥିଲାଗି ଆପଣଙ୍କୁ କ’ଣ କରିବାକୁ ହେବ?
ଡ୍ୟୁଲ ଟୋନ୍ କାର୍ ଲାଗି: ଯଦି ଆପଣଙ୍କ କାର୍ର ରଙ୍ଗ ଡ୍ୟୁଲ ଟୋନ୍ କଲର୍ରେ ଆସିଥାଏ ଏବଂ ଆପଣ ନିଜ କାର୍କୁ ଦୁଇଟି ରଙ୍ଗରୁ ଗୋଟିଏରେ ସମ୍ପୂର୍ଣ୍ଣ ରଙ୍ଗାଇବାକୁ ଚାହାନ୍ତି ତେବେ ଆପଣଙ୍କୁ କୌଣସି ଆଇନଗତ ପ୍ରକ୍ରିୟା ଦେଇ ଯିବାକୁ ପଡ଼ିବ ନାହିଁ। ଧରନ୍ତୁ ଆପଣଙ୍କ ପାଖରେ ହ୍ବାଇଟ୍ ଏବଂ ବ୍ଲାକ୍ ଡ୍ୟୁଲ୍ କଲର୍ର କାର୍ ରହିଛି, ଆପଣ ଏହାକୁ ସମ୍ପୂର୍ଣ୍ଣ ଭାବେ ହ୍ବାଇଟ୍(ଧଳା) ରଙ୍ଗରେ ପରିବର୍ତ୍ତନ କରିବାକୁ ଚାହାନ୍ତି ତେବେ ଆପଣଙ୍କୁ କିଛି ଅଂଶ କଳା ରଖିବାକୁ ହେବ।
ଭିନ୍ନ ରଙ୍ଗ ଲାଗି ରହିଛି ଭିନ୍ନ ନିୟମ:
ଯଦି ଆପଣ ନିଜ ଗାଡ଼ିକୁ କୌଣସି ଅନ୍ୟ ରଙ୍ଗରେ ପରିବର୍ତ୍ତନ କରିବାକୁ ଚାହାନ୍ତି ତେବେ ଏଥିଲାଗି ଆପଣ ଏହି ପ୍ରକ୍ରିୟା ପାଳନ କରିବାକୁ ହେବ:
NAMV ଫର୍ମ ପୂରଣ କରନ୍ତୁ: ସର୍ବପ୍ରଥମେ ଆପଣଙ୍କୁ ଇଣ୍ଟରନେଟ୍ରୁ ନଚେତ ଆର୍ଟିଓରୁ ଏହି ଫର୍ମ ଡାଉନଲୋଡ୍ କରି ପୂରଣ କରନ୍ତି। ଏଥିଲାଗି ଆପଣ ଆର୍ଟିଓ ଅଧିକାରୀଙ୍କ ସହାୟତା ମଧ୍ୟ ନେଇପାରିବେ।
RTOରେ ଫର୍ମ ଜମା କରନ୍ତୁ: ଫର୍ମ ପୂରଣ କରିବା ପରେ ନିଜର ଆର୍ଟିଓ ଅଫିସ ଯାଇ ଫର୍ମ ଜମା କରନ୍ତୁ। ସର୍ଭିସ ଚାର୍ଜର ପେମେଣ୍ଟ ମଧ୍ୟ କରନ୍ତୁ। ଏହାପରେ ଆର୍ଟିଓରୁ ଅନୁମତି ପାଇବା ଯାଏ ଅପେକ୍ଷା କରିବାକୁ ହେବ।
-ପୁଣି ଥରେ ଯିବାକୁ ପଡ଼ିବ RTO: ଗାଡ଼ିର ରଙ୍ଗ ବଦଳାଇବା ପରେ ପୁଣିଥରେ ଆର୍ଟିଓ ଯିବାକୁ ପଡ଼ିବ। ଏଥିଲାଗି ସାଙ୍ଗରେ ଗାଡ଼ିର RC ମଧ୍ୟ ନେଇ ଯାଆନ୍ତୁ। କାରଣ ଏଥିରେ ପରିବର୍ତ୍ତନ କରାଯିବ।
-ଇନ୍ସୁରାନ୍ସ କମ୍ପାନୀ: ତେବେ ସମସ୍ତ ପ୍ରକ୍ରିୟା ମଧ୍ୟରେ ଇନସୁରାନ୍ସ କମ୍ପାନୀକୁ ନିଜର ଗାଡ଼ିର ନୂଆ ରଙ୍ଗ ବିଷୟରେ ଅବଗତ କରାଇବାକୁ ଭୁଲନ୍ତୁ ନାହିଁ। ଏଭଳି କଲେ ଆପଣଙ୍କ ଉପରେ ଜରିମାନା ଲାଗିପାରେ।