ନୂଆଦିଲ୍ଲୀ,୧୩।୧: କ୍ରିକେଟର ତିନି ଫର୍ମାଟ ଭିତରୁ ଟେଷ୍ଟ ସବୁଠାରୁ ଲମ୍ବା ଏବଂ ପୁରୁଣା। ଏହି ଫର୍ମାଟରେ ସଂଯମତା ରଖି କ୍ରିକେଟରକୁ ବ୍ୟାଟିଂ କରିବାକୁ ପଡ଼ିଥାଏ। ହେଲେ କିଛି ଖେଳାଳି ବହୁତ ଧିର ଖେଳନ୍ତି। ସେଭଳି କିଛି ଖେଳାଳି ଅଛନ୍ତି ଯେଉଁମାନେ ଧିର ୫୦ ରନ୍ କରିଛନ୍ତି।
କ୍ରିକେଟ ଇତିହାସରେ ସବୁଠାରୁ ଧିର ଅର୍ଦ୍ଧଶତକ ମାରିବାର ରେକର୍ଡ ଇଂଲଣ୍ଡର ପୂର୍ବ ଖେଳାଳି ଟ୍ରେବର ବେଲିଙ୍କ ନାମରେ ରହିଛି। ୧୯୫୮-୫୯ରେ ଅଷ୍ଟ୍ରେଲିଆ ଗସ୍ତରେ ଥିବା ବେଳେ ଉଭୟ ଟିମ୍ ମଧ୍ୟରେ ଖେଳାଯାଇଥିବା ପ୍ରଥମ ଟେଷ୍ଟ ମ୍ୟାଚ୍ରେ ବେଲି ୩୫୦ ବଲ୍ ଖେଳି ୫୦ ରନ୍ କରିଥିଲେ। ଏଥିପାଇଁ ତାଙ୍କୁ ୩୫୭ ମିନିଟ୍ ସମୟ ଲାଗିଥିଲା। ଉକ୍ତ ମ୍ୟାଚ୍ର ଦ୍ୱିତୀୟ ପାଳିରେ ମୋଟ ୬୮ ରନ୍ କରି ଆଉଟ୍ ହୋଇଥିଲେ ବେଲି। ୪୨୭ଟି ବଲ୍ରେ ସେ ଏହା କରିଥିଲେ।
ଭାରତର ବ୍ୟାଟ୍ସମ୍ୟାନ୍ଙ୍କ ବିଷୟରେ ଯଦି କଥାହେବା ତେବେ ସୁନିଲ ଗାଭାସ୍କର ସବୁଠାରୁ ଧିର ଅର୍ଦ୍ଧଶତକ କରିଛନ୍ତି। ଶ୍ରୀଲଙ୍କା ବିପକ୍ଷ ଟେଷ୍ଟରେ ୫୧ ରନ୍ କରିଥିଲେ। ୩୨୬ ମିନିଟ୍ ଖେଳି ନିଜର ଅର୍ଦ୍ଧଶତକ ପୂରଣ କରିଥିଲେ ସେ।