ଅଭିନେତ୍ରୀ ଶ୍ରଦ୍ଧା ପାଣିଗ୍ରାହୀ ଏବେ ନୂଆ ଦୁନିଆରେ ପାଦ ଦେଇଛନ୍ତି। ଚଳଚ୍ଚିତ୍ର ଏବଂ ଧାରାବାହିକ ପରେ ତାଙ୍କୁ ଓ୍ବେବ୍ ସିରିଜରେ ଦେଖିବାକୁ ମିଳିବ। ଚଳିତ ମାସ ୧୦ରୁ ପ୍ରସାରିତ ହେବାକୁ ଯାଉଥିବା ଓଟିଟି ପ୍ଲାଟଫର୍ମ ‘କଞ୍ଚାଲଙ୍କା’ର ନୂଆ ଓ୍ବେବ୍ ସିରିଜ ‘ବ୍ରେକ୍ ଅପ୍ ରୁଲ୍ସ’ରେ ସେ ଅଭିନୟ କରିଛନ୍ତି। ଚଳଚ୍ଚିତ୍ର, ଧାରାବାହିକରେ ଅଭିନୟ ପରେ ଏବେ ଏପରି ପ୍ଲାଟଫର୍ମକୁ ନେଇ ବେଶ୍ ଖୁସ୍ ଅଛନ୍ତି ଶ୍ରଦ୍ଧା। କେତେବେଳେ ପ୍ରେମ ଆଉ କେତେବେଳେ ବ୍ରେକ୍ ଅପ୍ l ଏମିତି ପ୍ରେମ ଆଉ ବ୍ରେକ ଅପ୍ ଘଟଣାଗୁଡ଼ିକୁ ନିଖୁଣ ଭାବରେ ସଜେଇଛନ୍ତି ଏହାର କାହାଣୀକାର ଚିତ୍ରା ପଟ୍ଟନାୟକ ଓ ଜନ୍ମେଜୟ ସିଂ l ଶ୍ରଦ୍ଧାଙ୍କ ସହ ଶୋଭନ ସାମଲ, ପ୍ରସନଜିତ ମହାପାତ୍ର, ଆରତୀ ଶର୍ମା ପ୍ରମୁଖ ଏହି ସିରିଜ୍ରେ ଅଭିନୟ କରିଛନ୍ତି l ଏହାର ପ୍ରଯୋଜନା ସଞ୍ଜୀବ ଦ୍ବିବେଦୀ କରିଥିବା ବେଳେ ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ରାଜା ଡି l ଗୀତଗୁଡ଼ିକୁ ସ୍ବର ଦେଇଛନ୍ତି ସନ୍ଦୀପ ପଣ୍ଡା l ଏହି ଓ୍ବେବ ସିରିଜଟି ‘କଞ୍ଚାଲଙ୍କା’ରେ ହିଁ ଷ୍ଟ୍ରିମିଙ୍ଗ ହେବ ବୋଲି ସୂଚନା ଦେଇଛନ୍ତି ଏହାର ପ୍ରଯୋଜକ l
