ଅଗରତାଲା,୨୮।୧୧: ଅଗରତାଲା ମ୍ୟୁନିସିପାଲିଟି କର୍ପୋରେସନ (ଏଏମ୍ସି) ଏବଂ ତ୍ରିପୁରାର ୧୩ଟି ପୌର ସଂସ୍ଥାରେ ୨୨୨ଟି ଆସନ ପାଇଁ ହୋଇଥିବା ଭୋଟ ଗଣତିରେ ବିଜେପି ବହୁମତ ପାଇଛି। ବିରୋଧୀ କଂଗ୍ରେସ, ତ୍ରୁଣମୂଳ କଂଗ୍ରେସ ଏବଂ ଅନ୍ୟମାନଙ୍କୁ ପରାସ୍ତ କରି ୨୨୨ଟି ଆସନରୁ ଭାଜପା ୨୧୭ଟି ଆସନ ଜିତିଛି।
ଗତ ନଭେମ୍ବର ୨୫ ତାରିଖରେ ଅଗରତାଲା ପୌର ନିଗମ ସମେତ ୨୦ଟି ପୌର ସଂସ୍ଥାରେ ଭୋଟ ଗ୍ରହଣ ହୋଇଥିଲା। ତେବେ ନିର୍ବାଚନ ହେବାକୁ ଥିବା ୩୩୪ଟି ଆସନ ମଧ୍ୟରୁ ପୂର୍ବରୁ ଭାଜପା ୧୧୨ଟିରେ ନିର୍ଦ୍ୱନ୍ଦରେ ନିର୍ବାଚିତ ହୋଇଥିଲେ। ଅବଶିଷ୍ଟ ୨୨୨ଟି ଆସନ ଲାଗି ନିର୍ବାଚନ ରଣାଙ୍ଗନରେ ୭୮୫ ପ୍ରାର୍ଥୀ ଅବତୀର୍ଣ୍ଣ ହୋଇଥିଲେ। ଫଳାଫଳରେ ଏକକ ସଂଖ୍ୟା ଗରିଷ୍ଠ ହାସଲ କରି ବଡ଼ ଦଳ ଭାବେ ଉଭା ହୋଇଛି।
