ଭୁବନେଶ୍ୱର,୧୫।୮: ସ୍ବାଧୀନତାର ୭୫ବର୍ଷ ପୂର୍ତ୍ତି ଅବସରରେ ସାରା ଦେଶବାସୀ ‘ଆଜାଦୀ କା ଅମୃତ ମହୋତ୍ସବ’ ଅନ୍ତର୍ଗତ ହର ଘର ତ୍ରିରଙ୍ଗା ଅଭିଯାନରେ ସାମିଲ ହୋଇଛନ୍ତି। ଏହି ପରିପ୍ରେକ୍ଷୀରେ ପଞ୍ଜାବ ନ୍ୟାଶନାଲ ବ୍ୟାଙ୍କ (ପିଏନ୍ବି)ର ଆଞ୍ଚଳିକ କାର୍ଯ୍ୟାଳୟ ଭୁବନେଶ୍ୱର ପକ୍ଷରୁ ଓଡ଼ିଶାର ରାଜ୍ୟପାଳ ପ୍ରଫେସର ଗଣେଶୀ ଲାଲ୍ଙ୍କୁ ଏକ ଜାତୀୟ ପତାକା ନିକଟରେ ପ୍ରଦାନ କରାଯାଇଛି। ଏହି ଅବସରରେ ପିଏନ୍ବିର ଆଞ୍ଚଳିକ ମୁଖ୍ୟ ଏ.ଉଦୟ ଭାସ୍କର ରେଡ୍ଡୀ, ଉପ-ଅଞ୍ଚଳ ମୁଖ୍ୟ ଜନ୍ମେଜୟ ଦୀକ୍ଷିତ, ଉପ-ମହାପ୍ରବନ୍ଧକ ଉମାକାନ୍ତ ଦାସ, ଭୁବନେଶ୍ୱର ମଣ୍ଡଳ ମୁଖ୍ୟ ଚିତ୍ତରଞ୍ଜନ ପୃଷ୍ଟି, ଅଞ୍ଚଳ ମାର୍କେଟିଂ ମୁଖ୍ୟ ପ୍ରତାପ କୁମାର ବୈରିଗଞ୍ଜନ ପ୍ରମୁଖ ସ୍ଥାନୀୟ ରାଜଭବନରେ ରାଜ୍ୟପାଳଙ୍କୁ ଭେଟି ଜାତୀୟ ପତାକା ପ୍ରଦାନ କରିବା ସହ ରାଜଭବନର ସମସ୍ତ କର୍ମଚାରୀଙ୍କୁ ମଧ୍ୟ ଜାତୀୟ ପତାକା ବଣ୍ଟନ କରିଥିଲେ।