ଶ୍ରୀନଗର,୧୩।୮: ଆଜାଦୀ କା ଅମୃତ ମହୋତ୍ସବ ଅନ୍ତର୍ଗତ ରବିବାର ଶ୍ରୀନଗରରେ ତ୍ରିରଙ୍ଗା ରାଲି ବାହାରିଛି। ଏହି ରାଲୀକୁ ଏଲ୍ଜି ମନୋଜ ସିହ୍ନା ପତାକା ଦେଖାଇ ଶୁଭାରମ୍ଭ କରିଥିଲେ। ଏସ୍କେଆଇସିସିରୁ ଡାଲ ହ୍ରଦ କୂଳ ଦେଇ ବଟାନିକାଲ ଗାର୍ଡେନ ପର୍ଯ୍ୟନ୍ତ ଏହି ରାଲି ନିଆଯାଇଥିଲା। ଏହି ସମୟରେ ଭାରତ ମାତା କି ଜୟ, ବନ୍ଦେ ମାତରମଙ୍କ ସ୍ଲୋଗାନ ପ୍ରତିଧ୍ୱନିତ ହୋଇଥିଲା। ଏହି ରାଲିରେ ଜମ୍ମୁ କଶ୍ମୀର ପୋଲିସ ଡିଜିପି ଦିଲବାଗ ଏବଂ ଅନ୍ୟ ଅଧିକାରୀମାନେ ମଧ୍ୟ ଉପସ୍ଥିତ ଥିଲେ।
ଲେଫ୍ଟନାଣ୍ଟ ଗଭର୍ନର ମନୋଜ ସିହ୍ନା କହିଛନ୍ତି ଯେ, ଜମ୍ମୁ କଶ୍ମୀର ଆକାଶର ସବୁଆଡେ ତ୍ରିରଙ୍ଗା ଉଡୁଛି। କଶ୍ମୀରବାସୀଙ୍କ ହୃଦୟରେ ଏକତାର ଆତ୍ମା ଜାଳିଥିବା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିକଟରେ କୃତଜ୍ଞ। ଆଜି ଘାଟିର ଯୁବକମାନେ ଗର୍ବର ସହିତ ନିଜ ହାତରେ ତ୍ରିରଙ୍ଗା ଉଡାଉଛନ୍ତି। ମେରି ମାଟି, ମେରା ଦେଶ ଏବଂ ହର ଘର ତ୍ରିରଙ୍ଗା ଲୋକଙ୍କ ମଧ୍ୟରେ ଏକତାର ଭାବନାକୁ ଆହୁରି ବଢାଉଛି।
