କେନ୍ଦୁଝର,୧୩।୧୨ (ସ୍ବ.ପ୍ର.): କେନ୍ଦୁଝର ଟାଉନ ଥାନା ଅନ୍ତର୍ଗତ ଜୁଡ଼ିଆ ଘାଟି ନିକଟ ଷଠି ଘରସାହିରେ ଏକ ମହୁଲ ବୋଝେଇ ଟ୍ରକ ଦୁର୍ଘଟଣାଗ୍ରସ୍ତ ହୋଇଛି। ଭୋର ପ୍ରାୟ ୪ଟାରେ ଟ୍ରକ୍ଟି ମହେଶ୍ୱର ପାତ୍ରଙ୍କ ଘର ଭିତରେ ପଶିଯିବାରୁ ତାଙ୍କ ସ୍ତ୍ରୀ ଓ ନଅ ବର୍ଷର ଝିଅ ଗୁରୁତର ଆହତ ହୋଇଛନ୍ତି। ସେମାନଙ୍କୁ ଚିକିତ୍ସା ପାଇଁ ଜିଲା ମୁଖ୍ୟ ଡ଼ାକ୍ତରଖାନାରେ ଭର୍ତ୍ତି କରାଯାଇଛି। ଆହତ ମା ଓ ଝିଅ ହେଲେ ଜୟନ୍ତୀ ପାତ୍ର ଓ ହରପ୍ରିୟ ପାତ୍ର ବୋଲି ଜଣାପଡିଛି। ପରିବାରଲୋକେ ଶୋଇଥିବା ବେଳେ ଏହି ଦୁର୍ଘଟଣା ଘଟିଥିଲା। ତେବେ ଏଥିରୁ ମହେଶ୍ବର ଅଳ୍ପକେ ବର୍ତ୍ତି ଯାଇଥିବା ବେଳେ ପୋଲିସ ଘଟଣାର ତଦନ୍ତ ଆରମ୍ଭ କରିଛି। ଏହାଛଡ଼ା ଅବକାରୀ ବିଭାଗ ଘଟଣା ଉପରେ ନଜର ରଖି ଅନୁଧ୍ୟାନ କରୁଛନ୍ତି।
