ଜୟପୁର, ୧୫ା୧୨ (ନି.ପ୍ର.): ଜୟପୁର ଦେଇ ଯାଇଥିବା ୨୬ ନଂ. ଜାତୀୟ ରାଜପଥର ଏୟାର ପୋର୍ଟ ଛକଠାରେ ଗୁରୁବାର ବାଇକ୍ ଓ ଟ୍ରକ୍ ଧକ୍କା ହୋଇଛି ା ଫଳରେ ଘଟଣାସ୍ଥଳରେ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି ା ମୃତକ ହେଲେ ଜୟପୁର ସଦର ଥାନା ଅନ୍ତର୍ଗତ ବିଜେ-୨ର ନିର୍ମଳ ଦେ। ଖବରରୁ ଜଣାପଡିଛି, ଏକ (ଓଆର୍ ୧୦ସି-୫୮୬୩) ଚଷୁ ବୋଝେଇ ଟ୍ରକ୍ ଜୟପୁର ଅଭିମୁଖେ ଆସୁଥିବା ବେଳେ ବାଇକ୍ ଆରେହୀ ନିର୍ମଳ ମଧ୍ୟ ଜୟପୁର ଅଭିମୁଖେ ଆସୁଥିଲେ। ଏହି ସମୟରେ ପୋର୍ଟ ଛକଠାରେ ବାଇକ୍ ଓ ଟ୍ରକ୍ ମଧ୍ୟରେ ଦୁର୍ଘଟଣା ଘଟିଥିଲା। ଫଳରେ ଘଟଣାସ୍ଥଳରେ ନିର୍ମଳଙ୍କ ମୃତ୍ୟୁ ହୋଇଯାଇଥିଲା। ଖବରପାଇ ସଦର ପୋଲିସ ପହଞ୍ଚତ୍ ମୃତଦେହ ଜବତକରି ଜୟପୁରସ୍ଥିତ ଜିଲା ମୁଖ୍ୟ ଚିକିତ୍ସାଳୟକୁ ବ୍ୟବଚ୍ଛେଦ ଲାଗି ପଠାଇଥିଲା। ଅନ୍ୟପକ୍ଷରେ ମୃତକଙ୍କ ପରିବାର ଓ ସମ୍ବର୍କୀୟ ଲୋକେ କ୍ଷତି ପୂରଣ ଦାବିରେ ଏୟାରପୋର୍ଟ ଛକରେ ଜାତୀୟ ରାଜପଥ ଅବରୋଧ କରିଥିଲେ। ଫଳରେ ଦୀର୍ଘ ସମୟ ଧରି ଉକ୍ତ ରାସ୍ତାରେ ଗାଡ଼ି ମୋଟର ଚଳାଚଳ ବନ୍ଦ ରହିଥିଲା। ସଦର ପୋଲିସ ପହଞ୍ଚତ୍ ବୁଝାଶୁଝା କରି ରାସ୍ତା ଅବରୋଧ ହଟାଇଥିଲା। ପୋଲିସ ଟ୍ରକ୍କୁ ଜବତକରି ଏକ ମାମଲା ରୁଜୁ କିରି ଘଟଣାର ତଦନ୍ତ ଆରମ୍ଭ କରିଛି ା