![](https://www.dharitri.com/wp-content/uploads/2023/12/66.jpg)
ନୂଆପଡ଼ା,୩।୧୨(ମକାରୁ ବେମାଲ): ନୂଆପଡ଼ା ଜିଲା କୋମନା ଥାନା ମାନିଗୁଡ଼ା ଛକ ୩୫୩ ନମ୍ବର ଜାତୀୟ ରାଜପଥରେ ରବିବାର ଟ୍ରକ୍-ବାଇକ୍ ମୁହାଁମୁହିଁ ଧକ୍କାରେ ଦମ୍ପତିଙ୍କ ମୃତ୍ୟୁ ଘଟିଛି। ମୃତ ଦମ୍ପତି ହେଲେ ଜୋଙ୍କ ଥାନା ଅଇଲାଯୁବା ଗାଁର ଜୟରାମ ମାଝି (୫୨) ଓ ସ୍ତ୍ରୀ ଗୁନମତି ମାଝି (୫୦)।
ମିଳିଥିବା ସୂଚନା ମୁତାବ, ଦମ୍ପତି ବାଇକ୍ (ନଂ.ଓଡି୨୬ ଏଫ-୯୭୧୬) ଯୋଗେ ଶ୍ୱଶୁର ଘର ତରବୋଡ ଦେଇ ଧୋର୍ଲାମୁଣ୍ଡା ଗାଁକୁ ଯାଉଥିଲେ। ଏହି ସମୟରେ ବିପରୀତ ଦିଗ ଉଦ୍ୟାନବନ୍ଧ ପଟୁ ଆସୁଥିବା ଟ୍ରକ୍ (ନଂ.ସିଜି୦୪ଏନ୍ଟି-୦୧୮୭) ସହ ମୁହାଁମୁହିଁ ଧକ୍କା ହୋଇଥିଲା। ଘଟଣାସ୍ଥଳରେ ସ୍ବାମୀଙ୍କ ମୃତ୍ୟୁ ଘଟିଥିବା ବେଳେ ସ୍ତ୍ରୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିବା ସହ ଜିଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରଯାଇଥିଲା। ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା। ମୃତଦେହ ପୋଲିସ ଜବତ କରି ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି। ଘଟଣା ପରେ ଡ୍ରାଇଭର ଫେରାର ହୋଇଯାଇଥିବା ବେଳେ ପୋଲିସ ଟ୍ରକ୍ ଜବତ କରି ତଦନ୍ତ ଆରମ୍ଭ କରିଛି।