କୋରାପୁଟ,୬ା୩(ଅମିତାଭ ବେହେରା): ବୁଧବାର ରାତିରେ ବ୍ରେକ ଫେଲ୍ ହୋଇ ସହରର ପିଡବ୍ଲ୍ୟୁଡି କଲୋନୀ ନିକଟରେ ଏକ ମିନି ଟ୍ରକ୍ ଦୁର୍ଘଟଣାଗ୍ରସ୍ତ ହୋଇଛି। ସୌଭାଗ୍ୟ ବଶତଃ ଏହାଦ୍ୱାରା କୌଣସି ଜୀବନ ହାନି ଘଟିନାହିଁ। ଜୟପୁର ଆଡୁ କୋରାପୁଟ ଅଭିମୁଖେ ଆସୁଥିବା ସିଜି-୦୪-ଏମ୍ଏନ୍ -୪୦୯୧ ନମ୍ବର ବିଶିଷ୍ଟ ଟ୍ରକ୍ କୋରାପୁଟ ଆର୍ଟିଓ ଅଫିସ ନିକଟରୁ ବ୍ରେକ୍ ଫେଲ୍ ହୋଇ ଓଡି -୨୪-କେ -୦୬୫୬ ଏକ ଯାତ୍ରୀବାହୀ ଅଟୋ, ଏକ ଗଛ, ବିଦ୍ୟୁତ୍ଖୁଣ୍ଟକୁ ଧକ୍କା ଦେବା ପରେ ୨୬ ନଂ ଜାତୀୟ ରାଜପଥର ପିଡବ୍ଲ୍ୟୁ କଲୋନୀର ଏକ ପାଚେରି ଭାଙ୍ଗି ଦେଇଛି। ଟ୍ରକ ଡ୍ରାଇଭର ଫେରାର ହୋଇଯାଇଛନ୍ତି। କୋରାପୁଟ ଟାଉନ ପୋଲିସ ଘଟଣାସ୍ଥଳରେ ପହଞ୍ଚି ଅନୁଧ୍ୟାନ କରୁଛି।