ବେଳେବେଳେ ସୋସିଆଲ ମିଡିଆରେ ଅନେକ ଫଟୋ ଭାଇରାଲ ହୋଇଥାଏ। ସେଥିମଧ୍ୟରୁ ଅନେକ ହସର ଖୋରାକ ଯୋଗାଉଥିବା ବେଳେ ଆଉ କିଛି ଆଶ୍ଚର୍ଯ୍ୟ ଲାଗିଥାଏ। ଏବେ ସେମିତି ଏକ ଫଟୋ ଭାଇରାଲ ହେଉଛି। ଯାହାକୁ ଦେଖିଲେ ଆପଣ ହସି ହସି ଗଡ଼ିବେ।
ଭାଇରାଲ ହୋଇଥିବା ଫଟୋ ଏବଂ ଭିଡିଓରେ ଦେଖିବାକୁ ମିଳିଛି ଏକ ପିଆଜ ବୋଝେଇ ଟ୍ରକ ଭାରସାମ୍ୟ ହରାଇ ରାସ୍ତା ପାର୍ଶ୍ୱରେ ଓଲଟି ପଡ଼ିଛି। ଏହି ସମୟରେ ଡ୍ରାଇଭର ଜଣକ ଆରାମରେ ଶୋଇ ଫୋନ୍ରେ କାହା ସହ କଥା ହେଉଛନ୍ତି।
ଫଟୋଟିକୁ ଆଇଏଏସ୍ ଅଫିସର ଅରୁଣ ବୋଥ୍ରା ଶେୟାର କରି ଏକ ସୁନ୍ଦର କ୍ୟାପଶନ ଲେଖିଛନ୍ତି। ସେ ଲେଖିଛନ୍ତି, ଫୋନ୍ରେ କାହା ସହ ଗପୁଛ? ଆହୁରି ମଧ୍ୟ ଲେଖିଛନ୍ତି, ଦେଖନ୍ତୁ ଓଲଟିଥିବା ଟ୍ରକ ନିକଟରେ ଡ୍ରାଇଭର କେମିତି ଷ୍ଟାଇଲ୍ରେ ଶୋଇ ଫୋନ୍ରେ ଗପୁଛନ୍ତି।
ଲୋକମାନେ ଏହି ଫଟୋକୁ ବହୁତ ପସନ୍ଦ କରିବା ସହ ମଜାଳିଆ କମେଣ୍ଟ ବି ସବୁ ଦେଉଛନ୍ତି। ଫଟୋକୁ ବର୍ତ୍ତମାନ ସୁଦ୍ଧା ୭ ହଜାରରୁ ଅଧିକ ଲୋକ ଲାଇକ୍ କରିଥିବା ବେଳେ ଜଣେ ୟୁଜର ଲେଖିଛନ୍ତି, ଇଏ ପ୍ରେମ ଚକ୍କର।