କୋରାପୁଟ,୧୨।୨(ସ୍ବ.ପ୍ର): କୋରାପୁଟ ଜିଲା ଲକ୍ଷ୍ମୀପୁର ବ୍ଲକ ଡୋଲିଆମ୍ବ ଗ୍ରାମ ନିକଟ ୩୨୬ ନମ୍ବର ଜାତୀୟ ରାଜପଥରେ ଏକ ଧାନ ବୋଝେଇ ଟ୍ରକ ଭାରସାମ୍ୟ ହରାଇ ଓଲଟି ପଡିଥିଲା। ଦୁର୍ଘଟଣାରେ ଟ୍ରକ୍ ଚାଳକ ଅଳ୍ପକେ ବର୍ତ୍ତିଯାଇଛନ୍ତି।
ମିଳିଥିବା ସୂଚନା ମୁତାବକ, କୋରାପୁଟ ଜିଲା ବନ୍ଧୁଗାଁ ବ୍ଲକ ଆଲମଣ୍ଡା ମଣ୍ଡିରୁ ୨୦ଟନ୍ରୁ ଉର୍ଦ୍ଧ୍ୱ ଧାନ ଧରି ଟ୍ରକ୍(ନଂ.ଓଆର-୦୯କେ-୩୨୫୭) ଲକ୍ଷ୍ମୀପୁର ବ୍ଲକର ପଚଂଡାର ନର୍ମଦା ରାଇସ୍ ମିଲକୁ ଆସୁଥିଲା। ହେଲେ ଡୋଲିଆମ୍ବ ଗ୍ରାମ ନିକଟରେ ଟ୍ରକ୍ଟି ଭାରସାମ୍ୟ ହରାଇ ଓଲିଟିପଡିଥିଲା ଫଳରେ ଟ୍ରକର କିଛି ବସ୍ତା ଧାନ ନଷ୍ଟ ହୋଇଥିବା ବେଳେ ଟ୍ରକର ଚାଳକ ଅଳ୍ପକେ ରକ୍ଷା ପାଇଯାଇଛନ୍ତି। ଖବର ପାଇ ଲକ୍ଷ୍ମୀପୁର ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିଥିଲା। ଟ୍ରକରୁ ଧାନ ବସ୍ତା ଅନ୍ୟ ଏକ ଗାଡ଼ିରେ ଲୋଡ କରି ମିଲକୁ ନିଆଯାଇଥିଲା। ଏନେଇ ଲକ୍ଷ୍ମୀପୁର ଥାନାରେ ଏକ ମାମଲା ରୁଜୁ ହୋଇଛି।