ମାଲକାନଗିରି,୨୯।୧(ଡି.ଏନ୍.ଏ.): ମାଲକାନଗିରି-ଛତିଶଗଡ଼ ସୀମାନ୍ତ ନାରାୟଣପୁର ଜିଲାରେ ମାଓହିଂସା ଦେଖିବାକୁ ମିଳିଛି। ୩ଟି ଟ୍ରକ୍କୁ ନିଆଁ ଲଗାଇ ମାଓବାଦୀ ପୋଡ଼ି ଦେଇଛନ୍ତି। ଧନରା ଥାନା ଅନ୍ତର୍ଗତ ରାଜପୁର ଗାଁ ନିକଟରେ ଏଭଳି ଅଭାବନୀୟ ଘଟଣା ଘଟିଛି।
ସୂଚନାଯୋଗ୍ୟ, ଟ୍ରକ୍ଗୁଡ଼ିକ ଜଗଦଲପୁରରୁ ରାୟପୁର ଯାଉଥିବା ସମୟରେ ହିରଙ୍ଗିଝାଡ ଜଙ୍ଗଲ ରାସ୍ତାରେ ୪୦ରୁ ୫୦ ଜଣ ମାଓବାଦୀ ଗାଡ଼ିକୁ ଅଟକାଇଥିଲେ। ପରେ ଏଥିରେ ନିଆଁ ଲଗାଇ ଦେଇଥିଲେ। ଫଳରେ ଟ୍ରକ ୩ଟି ଜଳିପୋଡି ପାଉଁଶ ହୋଇଯାଇଛି। ଟ୍ରକ ଡ୍ରାଇଭର୍ ଓ ହେଲ୍ପର ସୁରକ୍ଷିତ ରହିଥିବା ଜଣାପଡିଛି। ଘଟଣାସ୍ଥଳରେ ସିଆରପିଏଫ୍ ଓ ଡିଆରଜି ବାହିନୀ ପହଞ୍ଚତ୍ କୋମ୍ବିଂ ଅପରେଶନ ଆରମ୍ଭ କରିଛନ୍ତି।
